¹ Ibalu ya higulu , imwalingaliubu paha na babaazi umi bash'uyua balumi.Baulugula bitemba musi byabu wenda wakum'ngana na mulumi. ² Batanu hangati yabu bali na bihala na batanu bakoslwete. ³ Be bihali bibi ubugulua bitemusi byabo, uvulmiya mang'hani; ⁴ Ba'bakooslweeh bibaubugulua byabu bitemba musi na bibawasuna mang'hani mu nyesu yabu. ⁵ Mulumi biguloga boso bibahogoah. ⁶ Hangati ya butufiu, bibauhjyenene mbundu nang'haa: Mulumi gufia twetwamutambuli! ⁷ Hanhan baazi bash'uyua balumi bibabuah na ulozya bitemba musi gabu. ⁸ Bababihala bibakoola na babakosweeh : Mutuhi mang'hani gwenu byetu bitemba musi bizima. ⁹ Bakosweeh bibalunga hahuhu : Nde gatukumbaneuh batu hamonga na banu mwende lubilu û baba bamulugisha mang'hani mwemwaguli genu. ¹⁰ Bomwenda wagula gabu, mulumi je mufiah. babana mang'hani gabo bibasheela naji mu sebula na ibelu bichiwezilubu. ¹¹ Babnji bash'sweeh habagalusha bibaboya nang'haah: Mwanana twezwilwilwi. ¹² Ila bigubalunga Ninuswahila walugila simigileuh. ¹³ Nde mulali siah ndetujili lutufu , ng'hunga hemuvyaga. ¹⁴ Mbibebya paha na mulumi gujili lugendu biguwit'gana bandu baji ba mulimu bigubah bindu byagi byoso. ¹⁵ Bigubah falanga yitanu wa jimu, yibili na yimu ugwabusatu, kila mundu mu buswata bwagi biguwenda. ¹⁶ Yogwakuza falanga yitanu biguwenda, hagutah nayu buomba, biguza yingi falanga yitanu. ¹⁷ Bibyebya yogwa gwakuza falanga yibili, hagutaha buomba hagukuza yingi yibili. ¹⁸ Yogwakuza yimu biguwenda wafula mu mavu, bigufamisha falanga ya mwanana gwagi. ¹⁹ Yo mwanana gwawenda mu lugendu bigugalusha bigubitagana. ²⁰ Yogwakuza biguwibuza ule mwanana na umuha yiongi falanga. Bigubonaah gwaumbeh falanga yitanu yugwelela yingi yitanu. ²¹ Mwanan gwagi bigumuswahila ; Mbyabuose mundu gwa buose gwa mulimu. Gwa na lugila mu bindu biseh, nimukuha yingi ukili yeya. Sheela mu musangu gwa mwanana gobe. ²² Yogwakuza yibili biguwibuja ule mwanana gwagi, biguboya :Mwanana gwaumbeh falanga yibili , nikuza yingi yibili. ²³ Mwanana gwagi biguboya nang'ha :Guuta buose wameh. Nimukuha yingi yishwali sheela mu musangu gwa mwanana gobe. ²⁴ Yoga gwa uhubu falanga yimu gwa uvuyaga ,na biguuboboya :Mwanana , naukuzingitila nanghaha gulib mundu gumini, gumuabugula bindu mu bilimi bugusha ukuna , na ubunga haha hagusha uhalagaja; ²⁵ Na ukutina , bini wafamisha lola luhela lobe, mu mavu; Lola yeya yonayu i yobe. ²⁶ Mwanana gobe gumusot'lwela : bebe muhia guliha , gwa uyua mimi nimuvugula bindu binish'muona , na ubunga haha hanishauhalagaja. ²⁷ Gwa hausiga luhela lwami uli baba batusinda luhela i haha hana ubugula yami na buuzi bwa halegu. ²⁸ Mumubuguli lola luami mumuhi yoga gu na luhela umi. ²⁹ Iuboya , yoga gu na indu gumuhubu chii, na gunuhubu baha, Yoga gusi na indu, na chea yenau bamuchibugula. ³⁰ Mumusumbuli yu muhia gubiha mama mu mufitu gwa haza , koä i mukaä ulila na wisuma nyene. ³¹ Chea ihindi muana gwa mundu hemuvuyaga na koä unemea naji, na bamalaika boso,na hemwaukaä mona mu ihumbulu yaji ya unemea. ³² Na û mesu gaji, bisamba ya bandu , bamwibunga ; Na je gumua bagabula bimuta , mulami, byebya bye mugabula yeyu mikoö na mbuzi; ³³ Na gumuatula mikoö ku uboö ulumi na mbuzi ku uboö gwa muazi. ³⁴ Na mwamona jeuboya baba ba uboö ulumi: Muvuyaji banu baufigula na shami, muvukaï koä û ibalu bamutilila tangu uvubu gwa alunga-mugaza . ³⁵ Iuboya n'a na zala ,banu mwaumbeha chaulya ; na n'a na muma gwa mema na banu mwaumbeha ,mwaundomesha nali mu nyene, mwaunyitaba; ³⁶ Nali njela , mwaumbeha ilamba , n'a na lufu mwaula u vundola , nali u buloko mwauyaga wami u mundola. ³⁷ Na baba b'a na lujila ,bibaumusot'lwela , mwanana , bamuhujya : Mbaayi hagua na zala , bitu'ukuha bilyazi,; Nguni ugwa na muma gwa mema bitutomesha? ³⁸ Nguni ugwali munyene bitukuta mbula? Au njela bitukalia? ³⁹ Mba ayi hagwa na lufu au mu buloko , na bitu'uvuyaga obe? ⁴⁰ Mwanana bigubalunga: Niunusot'lwela walujila , banu bebya binu utela baba binami ,basehe , mwaundela mimi. ⁴¹ Biguusot'lwela baba bali uboö wajiwa muazi , mwatui nami bana balumi milaka , muende ku mulilu gwa loso gwa lejubu ju ya kiyunguyungu na mitwaba yaji. ⁴² Iuboya n'a na zala ,na nda mwaumbeha bilyazi , n'a na muma ga mema gwa utoma , nda mwaumbeha ya utoma . ⁴³ Nali munyene na banu nde mwnaundambula , nali njela ndemwavalia, lufu na buloko, nde mwauva uvundola. ⁴⁴ Haha baba bamibaba bibaboya , je, ihindi ayi atuakumona gu na zal, au njela , au munyene, au njela, au na lufu, au mubuloko, na batu ndetu'kutumikili . ⁴⁵ I haha hagubalunga: Niunusot'lwela yeya yoso yinu shimutela imu gwa baba balenje bali hanu, nde bandelele mimi. ⁴⁶ Na baba boso bamuenda wa ushela mu buloko bwa nalumu, na baba b'a na lujila bamwasheela koa u buome bwa nalumu.