¹ Mu yé nghunga,mitwana bam'goboela Yesu , na uboya : Ni nani gwa muyui mu ibalu ya higulu? ² Yesu, biguwit'gana mwana gwa mulenje; bigumutula hangati yabu, ³ na uboya , ninuswahila walugila, hutu nda mumwitusha paa na mwana gwa mulenje, nda mum'sheela û gumbu lya higulu. ⁴ Honga yo' gooso kumwitusha pana mwana gwa mulenje gu mwakaâ muyuio gumbu lya higulu. ⁵ Yo gooso gum'tambula mwana gwa mulenje wa zina lyami,gum'ndambula mimi. ⁶ Ila yoga gum;bifila mwana jimu gwa mulenjegu nyitêbe mimi, gum'gangubu bwehe liata muose lyagi na utasubu mu lugalaba gwa zindami. ⁷ Lwaya gwa alunga mugaza ukilila um'jyijya izi!jikumbene ujyishi izi; Ila lwaya wa mundu kumuf'gaya bya ujyijya na izi. ⁸ Hutu uboo au ugulu wobe um'kubifila , seseû na gutasi ulama bebe, ni buose gushele paha au guna songo, gush' gwa ukaâ magulu gabili au magaza gabili na gutushubu mu iziba lya mulilu...................... ⁹ Na Yesu bikubifila ,lituuni na utasa ula na bebe ; ni bya buose gushele paha, gushi na yisu, bila ukaâ na mesu gooso gabili na gutasubu m'iziba lya mulilu. ¹⁰ Mw'ilole nda mutaha muejya wa ban bangôngo; Nibasolwelwa binu Malaika gwabu koâ higulu gumona yim'kila û buhala bwa shami guli mu igulu. ¹¹ Na mwana gwa mundu gwa uf'gaya ubugula bazimini. ¹² Mum'ninga bini? Hutu mundu guna mikôo luama, mukôo jimu gozimina , ndam'siga maumi itema na itema ulwegulu ya lugulu, na wenda wakeba yo jimu guzimini? ¹³ Na hutu gum'kuza , na basahila lugila , gum'kâa na musangu ukilila maumi itema na itema yish'zimina . ¹⁴ Na yi yeya, nda uvula wa shami gwa higulu. Jimu gwa ba basehe gwa zimini. ¹⁵ Hutu ndugu y'obe gu kubifila , yenda gu mumoneshe bibiha lyagi be na jyehe.Hutu gukuhujy'nena , gukuza ndugu y'obe. ¹⁶ Ila , hutu ndamkuhujy'nena samuna bebe na jimu au babili hamonga npobe , ukilila bushuula bwa babili au basatu ng'handa yooso ya yilojye. ¹⁷ Hutu gubenga ubahujy'nena , sot'lwe;la kanisa,na hutu gubenga uhujya kanisa , gwa kaï wobe mupakani na mutozakodi . ¹⁸ Nibaswahila walugila , yo oso yim'ganga hanu hasi ya yuba , yim'gangubu na higulu , na yooso yim'totola hanu hasi ya yuba bam'totolubu na higulu. ¹⁹ Nibasot'lwela honga, banili bawihujy'nena hasi ku uhajya indu wa shami gwa higulu gum'bahâ. ²⁰ Iuboya , babili au basatu bakum'ng'hana wa zina lyami, nili hangati yabu. ²¹ Ila Petelobigugoboa habwihi naji, na uboya: Mwanana , nimufumili bin'sonya ngumbu yinga ndugu yami, mu ngunga yiga gwa bifili? Yim'kâa ngumbu musambu? ²² Yesu bigumulunga : Sikuswahili vuu ngumba musambu , ila ngumba maumi musambu na musambu. ²³ Honga na Ibalu ya higulu ili paa na Kasheke gumkeba lubali na bandu bagi. ²⁴ Na habali û lubali, bamuvila na jimu gwa na musahu gwa Kasheke, ya talanta umi. ²⁵ Na nda na indu ya um'futa, mwalimu gwa tasa luhusa gwa bugulubu jehe, muazi gwagi, bana bagi na byooso bye nabyu, gwa vuyi musahu ²⁶ Muhia, biguwitasa hasi , bigufuama uluebu lwagi, na uboya: Mwanana, kumwene bin'sonya , na nifuta yooso. ²⁷ Bul'mini, Mwalimu gwa muhia gwa malea wenda , na umufilubu bin'sonya ugo musahu. ²⁸ Hagwa katua , yô muhia gwakum'ng'hana na jimu mwinaji guna musahu gwa ama yimu ya Dinali . Gwamuwata mu ose, na umusot'lwela: Futa musahu gobe. ²⁹ Mwinaji , bigufukia gumba , bigumulilila , uboya : Kuvililusa, na nim'futa. ³⁰ Ila jehe nda witabeû, na gwa wamutasa û yende ya mbete, vuu lutufu lwemwafuta go musahu gwagi. ³¹ Na binagi, habamona yakila , bibamona asungu , na bawenda umuswahila mwalimu gwabu yooso yakila . ³² Na mwalimu bigumw'itgana muhia , na umuswahila : Guli muhua gubiha , , ni kuleele musahu gobe , ukililla ulila wobe. ³³ Ndo na tima lya umwona mundu bin'sonya , bibya binakumwena bêbe bin'sonya ? ³⁴ Na mwalimu gwagi , gwa bigumona bwasi , bigu muhana wa bul'matali, vuu lutufu lwe mwafuta go musahu. ³⁵ I bebya shami gwa higulu byem'taha, hutu jimu hul'mina ndugu yagi wa tima lyagi lyooso