1
Hutu uli mulagilu gwa ushwe mu bulegela bwaji; Tukai na moyo , jimu hangati yenu nde ikasa.
2
Ila ndu jila , batu nabusot'lwelubu musahu gulegela bibyebya pana boho, ila moolo gwa uhujubu nde lya utaha nolu indu, nguboya na nde lya uhinga na witaba wa bauguhuzya.
3
Batu witaba mu bulegela ; Bebya biemukoola , bebinialipa na iziz yami, nde bamusweela mu bulegela bwmi; nashi go mulimu gwa uvuyia tangu utohubu misii ya alunga mugaza.
4
Ngubo nag'ha gwa ukoola tufu lya musambu handu hamubibi, Vili gwa uhumnua tufu lya musambu , na ulea milimu yaji yooso;
5
Na hanu nahu; nde bamusweeleu muloha liami!
6
Bebi biusagala moolo gumuboya na uli bandu bamusweela manga, na baba bausot'lwelubu musahu ala bashaushweela wa bubiha bwabu;
7
Gutulizi honga tufu lingi, ukoola ukilila Daudi manyuma ga ihindi ishwali bibi, lelu; Bebya biyikoolubu tangu ala, lelu hutu mumuhuzya yihi liaji, nde mutaha gumini matima genu.
8
Hutu Yoshuwagwa hamuha laha , nde hukoolab honga linji tufeu .
9
Usagele baha lia sabatu uli bandu ba Vili.
10
Ila yogu shwelizi muloha liaji guhumunua jemunindu mu mulimu gwaji.
11
Ali , tutahi buili ushweela mu laha lelia, kuubona mundu gooso ndehulua wa mutindi gugo gwa bubiha.
12
Ngubo na ng'handa ya Vili yili buome , honga yina buswata , honga yina bwazi ukila myanga gooso gu m'sesanga ubili, honga limtunga vuu agabu mubili na chiuli, na bibibo na manghani gali munda mwaji; Hongo ndihela ubambula unga na utuha wa tima.
13
Na nde uli indu ishi buhululu û mesu gaji,ila bindu biooso bili njela na ubululubu û mesu gaji, jehe guna ng'handa yetu.
14
Hutu uli Kuhani muyui gwa ushweela witimba , Yesu , mwana gwa Vili , tuwati wa mehe bugalului bwetu,
15
Ngubona nde tu na Kuhani muyui gushimuweza wibujena netu mu ng'handa ya buhuluoi; ila jehe gwa upimubu paa na batu mu ng'handa yooso , biba utaha bubiha ,
16
Twibuji uchiti ya bin'sonya wa buili, na tu natiwitolubu, na upata bin'sonya bya utufula mu ihindi ya uhazya wetu.