¹ Honga haala mbyana ni mwana binimwisamban ndile ene na muhia, nas'gwakaa mwalimu. ² Ila gulimusi mwa shagi gwa yuba na mwana na gwakwisamba mupakahemwafila hanha hemwayubui na shegi. ³ Batu nabo , bibeya , hatwalibana , twali musimwa buhia ba bindu bia alunga mugaza . ⁴ ila hatakimbana hamwaluu, Vili gwatumanga mwanaji, gubutui wa gwa muazi , gubutui musimwa msii. ⁵ Haboho gwa hiuli bâbabalimusi mwa msii, habôho tutambuli bana ba yuba. ⁶ na honga muli bana , ba Vilinyambigwqa tumanga mumatima getu chiuli ya mwanaji yoga gum'lila: Abâ shami! ⁷ Wabibi nduji honga muhiâ mulimu, ila mwana na hutu gul'mwana gul'honga byana ya inema ya Vili. ⁸ haala ndemwayuanga Vili mwamwitela milimu ûmiisi yishili ya mutindigwetu. ⁹ ila, hahanu hamuyua Vilinyambi, nagehe Vili gubayua, mum'galusha honga wa baba bahela na yoga gubuli bindu, ubebya bitohe bimul'gezya umuteshela mulimu honga? ¹⁰ Mum'nemea matufu, miezi, biliu na miaa! ¹¹ nimtina utaha mulimu gwenu ini ini. ¹² Mukai biebya byalimimi, ibinu miminaj'nili bieba bimuli banu. Ban'na tutu nibahazya. ¹³ ndemu ndendele indu yoso ibiha mwijili biyali juhu ya ilema ya mubili chea inabasot'lenga uluebu lwa musau gulegele. ¹⁴ na gutahubu mu luebu lwa mubili gwami, nde mwauta bushulâ bwa ubenga , bwa ahezyu na ubenga : Ila mwa u ndambula paa na Malaika gwa Vilinyambi na gwa Yesu Klistu. ¹⁵ Musangu gwenu gum'legelejya ubu na ayi ibinu, nibasisimia, hutu bieba bialibutelu mwa mum'ggulubu mesu na umbehegu. ¹⁶ Shali mimi mezee yobe hakusot'lwela lujila? ¹⁷ bubangu limunaliu ndelialupile-û, ila muleg'lejye twileene, wabibi mukai na bubangu hangati yenu. ¹⁸ Biabuose ukaâ na bubangu bwa yoga guli,biebya bili buose mubihinde'bioso ha hashi bobo gwali hahanu na banu. ¹⁹ Bana'bami, bamwena honga busungubwa utanda ubutuâ, vuhu hanha Klistu gum'kaâ munda mwenu. ²⁰ Nileg'lejye ukaâ hambavu yenu na ugalula lulimi, î-ibaya ninabinga mutima ha mubili gwenu. ²¹ Munisahili, banu baleg'lejye ukaâ musi mwa msii, mum'huzya msii? ²² Iuboya yoga gum' hala koa wa Ibulahimu na ban'baji babili , jimu gwa muazi muhiâ, na jimu muazi guli buhulu. ²³ Iuboya yoga muhia gwa butua wa mubili na yoga muazi guli buhulu gwa butua mu milagilu. ²⁴ Bieba bindu bilimi-mujelê, iuboya baba babaazi babili ilonje.JImu umutenda gwa Sinaï na bubutua bwa matesha mulimu, ni Agali, ²⁵ Iuboya Agali, nimutenda gwa Sinaï mu Kialabu, na ibugene na Yeluzalema ya lelu, ijili mu buhia hamonga na bana baji. ²⁶ Iubosa Yeluzalemu ya higulu mubuhulu, inazyetu. ²⁷ Iuboya njandiki Sehaa bebe, igumba, bebe gush'mutenda ! Kwanya na taha yihi, bebe gush'na busungu bwa utenda! Iuboya bana bamuazi guleizubu wamehe. Ukila bana bayogâ guwele. ²⁸ Wenu banu, bana ba tutu, bili Izaki , muli bana balajili. ²⁹ na bibimi yoga gwa butua wa mubili gu mwihâgubu na yoga gutandizubu wa chiuli, î biobitele honga hanu. ³⁰ Iuboya bihali bimwisamba bini? bBinga muhiâ na mwan'naji, iuboya mwana gwa muhiâ ndem'kaâ mbiana na hamonga na mwana gwa muazi guli buhulu. ³¹ I-hanha, mwana gwa tutu, tulibana ba buhia, ila ba muazi guli buhulu.