V 1 Hakila biliu na bina , binibanda honga û Yelusalemu hamonga na Balnaba, na ubugula Tito na mimi. ² Wilondena na biloto binitabanda. Binitabasawhila musah gulegela uli bapagani,na nimwagusawhila bibyebya uli baba bana inemu kubonang'hah sitaha lubilu mu inini. ³ Tito gwa na mimi gwali Mugeleki. Nde baumuboya gwa tahubu ya zeuhu. ⁴ Ulondana na banduku baji ba malimi babashejyia mu bufami. Bapati wihujya buhulu bwetu butunabo mwa Yesu batutahi mubihiah. ⁵ Ng'hunga nasi yiyimu ndetwawitah hasi yabulugila lwa go musahu gulegela gwakaï hamonga nabu. ⁶ Bababaliubu bamoneah paha na bandu babayui mutu gwabu ndiweindeuh ubuhala bwami. Vili nyambi ndaleglejyeu nimukoola na baba banainema nde baunitendeele indeuh. ⁷ Nde halola musahu gulegela gubaumbeh ubaba bashautubu yandu ; Paha na Petelo gubauha baba bautulubu yazi. ⁸ Yoga gwataha Petelo kukaah mtumi gwa batahubu yazi naiyoga gwaundah namimi ukaah mutumi gwa bagani. ⁹ Habayua binisonya bibaititobila, Yakobo, Kefa na Yowani bamoneabu nguzo na umbeha mimi na Balnaba uboo wa indu kiinu kuwenda uli bapagani na ubali vuuh ule babautubu yazi. ¹⁰ Yituhajyibu tuningi babuli. Ku batendela bya buose. ¹¹ Kefa hagugalusha Antiokia, na wimonena naji buhala wa buhala, gwa kumbana uhukumubu. ¹² Babauvugaya hamwaluuh batumbu na Yakobo babyah hamonga na bapagani; nahagufika na bugujoa kutina babataubu yazi. ¹³ Na ba Bayaudi bibafama hamonga nabu Balnaba bigushela momwa mu bufafi.n ¹⁴ Kumonang'hah ndeba mwisumua bululi na lugila lwa musahu giulegela. Nimukoola na Kefa bandu boso muhujinena . Bebe guli Muyuda gumwishi paha o'na bbapagani ndumwishi paha na Bayudeu. Njiayio usukuma bapagani bakaa paha na Bayuda? ¹⁵ Batu tuli Bayuda ba tangu ubutua, nde tuli bandu babuli hangati ya Bapagani. ¹⁶ Muyui nang'haha ndewa milimu ya bisimu, misii , mundu hemusambishubu, ngukilila luitabu mu Yesu Klistu , batu nabotwamini mu Yesu nang'haha tusambishelubu wa luitabu lwa Klisto gusha gwa bisimubya misii wa mona mundu nasi gujimundamwaubalibu kumbanamu lujila. ¹⁷ nakusambishiubu na Klisto hutu twali batubaninu tulibandu ba bubi, Klisto gumukoa muyui gwa bubi ula na yeya! ¹⁸ nim,wilonga bindu binatanya niwawilujea mimuninu na hili mundu gwa bubi. ¹⁹ Shaufa juu ya misii kuishina Vili nyambi. ²⁰ Nautubu umusalaba hamonga na Yesu. Hutu nde mimi, ni Klistu. Hutu nimwishi hanu mu nyama na mwishi mu luitabu lwa mwana gwa Vili gwa undeglejya na gwa wihana je muninu. ²¹ Simukwanya binisonya bwa Vili; Lugila lumupatikana mu luitabuwa Klisto guufa buli.