¹ Niunuhajya , mimi mundu gwa buloko uli Mwanana , musumui biumbenre na witaganubu wenu, ² muwitusha na ubatama , hamonga ulamina , wisamujyena bamu na banji mu ivulu, ³ mwihinyingilijyi ulama ukaä na chiuli chiinu na wiswianga wa atalala ndonga . ⁴ Uli mubili gugumu na chiuli chiinu, paha na byebya bimwawitaganubu mu ukuyigila kuumu ukilila witaganubu wenu, ⁵ uli mwanana gujimu, luitabu lulumu, lubatizu lulumu, ⁶ Vili gujimu na tutu gwa booso guli halwegulu lya booso, na hangati ya booso û byoso. ⁷ Wa goso utuli bin'sonya bihanizubu wilondena na ihimu ya abugu a Klistu. ⁸ Ibebya yimuboyubu binu: Hagwaubanda higulu, gwqa uvugaya na bakwati, na gwa uha bandu tugubu. ⁹ Nifundulweilu ayi. Gwa ubanda , hutu nagutua mu ibalu ya musi mwa mavu? ¹⁰ Yogwa gwa utua , iguyogwa gwa ubanda higulu lya ngulu yoso, kuukumbajya bindu byooso. ¹¹ Na gwa uhabanu ukaä banjeze banji, ukaä ng'hanga biloto,banji bausahula musahu gulegela , banji ukaä balami na bigishi, ¹² Ku ulong'sola balumbului na mulimu gwatechee na usimia mubili gwa Klistu, ¹³ Ufila batu booso ukoä na lwitabu lulumu na uyua mwana gwa Vili, bumundu gumbani, mu bula bwa itimba ikumbani ya Klistu. ¹⁴ wa bebya nda tukaï bana ba ngongo, bamwiligila na usamunubu na mbumbu yôso ya lwigishu, ku ulumbubu na bandu mu ulimua ukeba ulendwisha , ¹⁵ Ila bobo koola lujila mu ivulu, tukuli wa sinda lyoso uli Kasheke gwetu ,Klistu. ¹⁶ Wele jehe, na bin'sonya waulungaanawaji, mubili goso usambaana indu chiinu ili nguhu ili na ukula waji wilondena na buswata bwa ibilu imu imu ya mubili gwaji , na wilong'sola mu ivulu. ¹⁷ Mona bya muboyana ya mukoola mu Mwanana, ndamuumbene usumua paha na bapakani, bamusumuaulondela busalazi bwa nyini yabo. ¹⁸ Bana mbati yili mufitu , mbayene û buome bwa Vili , wilondena na ushi uyua uli munda mwabu, wilondena na uma wa tima gabu. ¹⁹ Ubulua nyini yoso , bamwitula u maoze , ku utaha busala zi na bubiha mamama . ²⁰ Unuli banu nda byebyu bimwawiga Klistu. ²¹ Bebya binwaumuhujya na wilondena na lujila lulimu Yesu , wele jehe mwawigishubu wa ukatusha , ²² musumui gwa ala , wa yogwa mundu gwa ala gumwiyonanga na bulundu bulimbani, ²³ Ukaä mundu gutohe mu chiuli ya mbati yenu. ²⁴ na uvala mundu gutohe , unyangubu na Vili mu sambu na bulumbului bumutqanda lujila . ²⁵ Ibenu, mwibeene na malimi, mukoole lujila mundu na mwinaji , umona tuli bibilu bamu na banji. ²⁶ Hutu banu na izi, nda nubifya ; Yuba ndalihulua na cheä izi yobe, ²⁷ na nda mumuha kiyung-yunga sinda. ²⁸ Yogwa gumwibanga ndiba honga, gwatahi mulimu na magaza gaji bebya bili oso oso, gwa kaï na indu ya uigabila gushi na indu. ²⁹ Isimu yoyo ishi oso oso nda ifuma mu anu mwenu, bebya bobo bisimu bilegela biumbele usimia na usahula bin'sonya uli baba bamuhujya . ³⁰ Nda mukwatisha chiuli ilumbului ya Vili izi wele jehe mwautubu izingatishu uli tufu lya uhihulubu. ³¹ Asungu oso na bwazi na bumeze, lutoyo loso, bulomo, na izi yôso yazimini hangati yenu. ³² Mwilagijyene bulegela , tima lya bin'sonya , wifilijyena lusa , byebya Vili gwa unufuila lusa mu Klistu.