¹ pahola, mutume gwa yesu chlistu wa ulegejya waji vili, uli balumbului bali ku efeso na baba bamwibanda yesu christu: ² bunene na atalala - ndango bya kai byenu ufumina uli vili tata shetu na uli mwanana yesu christu! ³ mufiy'galanga ivi, tata gwa mwanana gwetu yesu christu, tufiyigula na bufiyigula halaga - halaga bwa tina mu ndandagala ya higulu mu zina la chlistu! ⁴ munda mwaji vili gwa utusogola ulola bibi alunga muzaza nde achilojyubu, ku'boyela naha tulumbutui na tukai bashi na aswitii u mesu gaji, ⁵ biguutukebela bulegela kuilila ivilu yaji naha tukai bana baji ba iyuba - yuba kuilila yesu christu, wilondena na ulegelejya wa tima lyaji, ⁶ hauluviubu utaba wa bunene bwaji bugwautuha kuilila mwanaji gwe legejye. ⁷ kuilila welee batu tukuza bushashi hamubili gwa muloha gwaji, ujtimang'hanya ma balamabala, mu bunji bwa lusa bwaji, ⁸ bya utumyan'ng'hinubu na vili kuibila bu mambi bwa mbumb' yiyina na mbati, ⁹ gumwituyuisha shiliya ulegejya waji, kuilila byebya bigwahanga je muninu, ¹⁰ kuyitesha mulimu lugumbu halumuv'byebya bili higulu na byebya bili hasi. ¹¹ mwele jehe tutele ba byana, twa ukebelubu bulegela wilondena na bulojya bwa lya tima lyaji, ¹² hamubili gwa naha tumwetela mulimu utumba wa utaba waji, batu bali hoso mukugila munda mwa christu. ¹³ mwaji banu nabu, manyuma ga uhujya ng'handa ya lujila, musahu gwa buoso gwa buome, bwenu, mwaji mwavi taba na bimwachatahubu imbange na chuli ilumbului yatuhiubu, ¹⁴ choho i muole gwa bu mbyana bwetu, ku kuuza buome bwa baba vili bagwawikuzila ukilila ulumbugula wa utuba waji. ¹⁵ i hanhan mi naji, hanauhujya bo'mwisamba hamubili gwa huitabu lobee wa mwanana yesu na ivulu yobe uli balumbului, ¹⁶ shim'lea ufekusha vili hamubili gobe , na ukitela mu luhajyu bwami boso. ¹⁷ ku'boyela vili gwa mwanana gwetu yesu christu, tata gwa utaba, gwanuhi chiuli ya bumambi ta ubulula, mu uyua waji na, ¹⁸ gwa toshe mesu ga tina byobe, guyui ni ngungijya ayi yili samba na mbila yobe, ni bunji ayi bwa utaba wa lubala hwaji luebuli ba' boso balumbului, ¹⁹ na njindu ili bwata bushi na ubugongele bwa buswata bwe tuhul' mishi batu bitabizi, bumwamonea bululi hamubili gwa bulegela bwa buswata bwaji. ²⁰ gwa' buvung'utula mwa chlistu, hagwaumujyulu la mungati ya bafu, na umukaisha vuaha ulumi waji mu ndandagala ya higulu, ²¹ ulueguhu ya utangayala oso, buyui boso, buswata boso, inemu yoso, na zina lyoso lyelya limwitagalamubu , nde mwi ilihu boso ya leleii, ila ni vuhu mwi ilihii imuviaga. ²² gwatula byoso musi mwa biahi byaji, na gwaumutanga bu fumu gwa bafumu gwa kanisa, ²³ i mubili gwaji, umonea un'uni wa yogwa gumwiyujya baha byeso mu boso.