¹ NInamuna, gwa muyui bwata bwa lugozi lwanalu hamubili gwenu, na wa ba û Laodekia na wa baba bashitiumona luebu lwami mu mubili, ² Ku boya bakai na wiyula wa tima witusha , bakai indu chiumu mu ivulu, bana mbati yishwali, bayui bifuami bya Vili, bayui Klistu. ³ Ifami bili bifuami bya bukumu booso bwaluani na uyua. ⁴ Ni w'isamba yiyi ng'handa nuli mundu nda balimba bandu na ng'handa yeya ya umugal'lula. ⁵ Nami nili ula menu na mubili, ila ni nenu hahanu wa tima , nimumona ulegela na ulola utalala wenu, na witaba wa musii genu haminga na Yesu Klistu. ⁶ Haha na bebya binwawitaba Yesu Klistu, mwanana musuvi naji bi bebya mmu munda mwaji. ⁷ Biba mutula ulegulu ya musinji na ulonga munga mwaji na wimia ulegulu yaji ulonda imani yenu, ulonda yeya yigwa unufundisha na uboya afeku, afeku. ⁸ Lola mundu ndababela bamu na mbati yabu yishipaa na utulimba yishi na indu , wa ulonda bandu bali na ng'handa ya Alunga Migaza na nde ya Klistu. ⁹ Munda mwa jehe, imuli ukumbana oso wa buvili, î wa mubili. ¹⁰ Na bunu mute bâ bapagano wa jehe, imushu gwa bamwanana boso, na buswata. ¹¹ Wa jehe musheubu bibehe ulonda tohabalisi mutubu wa ninu, mu ukatusha goga mubili gwa nyama , na bebya tohaga Ya Klistu. ¹² Mwaubatizubu hamonga na jehe wa lubatizu, na wa kuu, mwaujulubu na jehe, na witaba buswata bwa Vili, gwa julula ufuma mufyama. ¹³ Banu bali bafai wa bubi bwenu, na ushusheubu wa muboili gwenu , banu gwa utaha paha hamonga ba jehe , ibigutumwena bindu bin'sonya bubiha bwetu booso, ¹⁴ Ibigusano ngogu mukanda gugu â uhalubu ya utushikata ya uzitiubu. Obe ya na mezee wetu. biguvikatosha na uiganga û musalaba na misumali. ¹⁵ Wahagukatusha bu mwanana na buswata, gwa ulagiligu ubutoa, bigwiseheleja u musalaba , Na mundu nda muhukumu banu ju ya bya ula , ao ju ya bindu bya utoma , ao ju ya tufu liata , ao mwezi gumonea , ao lelya tufu lya sabatu. ¹⁷ Yiyi yooso mujezigili gwa bindu bimuvuyaga , ila mubili gwa Yesu Klistu . ¹⁸ Mundu nda mulimba banu zawabu yenu, wa witusha waji jwemu ninu, wa jehe bunga bwaji, na ujila malaika na witahamu ulota waji bunga , witundula bule wa nbati yaji ya mubili. ¹⁹ Ndamukwata mu8shu, wa jehe mubili gooso gumusailiana, na baulungulubu hahumu,nyama misa , y'imkaa wa ulugulubu na Vili. ²⁰ Hutu guufa hamonga na Klistu, wa ng'handa ya Alunga Mugaza, ji ayi muwitaka musi mwa misii , paa bandu bauka mu alungu. ²¹ Nde mukwata , nde mulabula , nde mulengejya! ²² Yiyi ng'handa yimonea , chea ihindi ya utumubu, mulonde mafundisho ga nyongezo ya bandu. ²³ Yiyi ng'handa yiumonea nang'haha ya buose wa ulonda bebya bibamutanga mu yende ya Vili, na kuwitusha, na mubili gwakai musi ,ila yooso nde yimutaha indu na uzia muma gwa mubili.