¹ Hatuabua buose, bitushot'lwelubu isanga wa zina ga Melita; ² Bini zyaati baututambula buose netu bila lutoyo ;baututela bimbi lya mulimu na ututambula , mwula yaumba usasa na masia. ³ Paulo gwa ukeba iliba ya ndete na uyitiha u mulilu, nyoa biyifuma monga sababu ya iyenga na wihombo ku uboo wagi. ⁴ Lubamwene nyoa yemba ku uboo bibawisauzyena :"Lugila yugu mundu ni maazi , gushaoizi mu mema Vili gwa lugila nda mumusiga bahaa" ⁵ Paulo biguhoyogola umtasa mu mulilu, nda yamutaha indu. ⁶ Bamuninga kumutana au uhulua hasii lubeu na ugilila; Luba ula mu ihindi ilogee, ndakuzili indu ya umusumbulusha ; bibagalula bya kumukoolubu, na uboya gehe ni geze. ⁷ Habuihina mbalaa yibali walii malumi ga Publilio, kasheke gwa iosanga. Nagi gwatutambula wa buminaha , na ukaa wagi matufu gasatu bageni bagi . ⁸ Biutali nagi na Publilio gwana mbilimba masia na muhalisha muloha . Paulo bimwegelela , na bigu hazyila na umutendeela maboo bigumushosha . ⁹ Na honga , ba na malufu mukila isanga bibauva nabu bibaushoshwa. ¹⁰ Bibatualia na utulele buose, na hawigoya bibatiungangila bya ulya ufekusha na bituanubu lazima. ¹¹ Hatukuukizyia miezi yisatui, bituwigoya na ubanda mashuwa ga mema ga Alekisandliya , gali holihanha mu buyoga hakie isanga . ¹² Bituwimana û Silakuze na uloga matufu gasatu. ¹³ Hatukatua na ulonda muonga , bitufia Legio mbumbu yilumi buenda bwagi biyibua, bituufia Puzoli mu matufu gabili. ¹⁴ Bitusangana banduku , nabu bituhanga wabu matufu musambu, bituwenda û Loma: ¹⁵ Litakua Loma banduku baukuzy6a minyinyi ya ufia wetu bibauva kuuvututambula nagu Soko la Apio na hoteli-tatu. Paolo luebamwene bigu tutula Vilinyambi na apata atalala ndonga. ¹⁶ Hatufiizi Loma , Paolo bigusagala wagi û yende na ulamubu na kaitaga-lumi gimu. ¹⁷ Matufu gasatu hagaukila , Paolo biguwitigana bayui ba Mayahudi mu ziati ; Hubafia , bigukoola binu: Abanu banduku yami, mimi shoteele indu ibiha uli bandu ao misweela ya bashetu, nitelubu mu yende ya mbete u Yelusalema na utasubumu magaza ga Balumi. ¹⁸ Luwavuyizi unyi huzya , batamumbosola nda bamwona wandi bubiha bwa unyihaga. ¹⁹ Bayuda baubenga , na mimi binililia nifii wa Kaizali, sha na ng'handa yaushetakubu usala ibalu. ²⁰ Ivu na ivu;lu , inihazya unumwona na unusawila zimbu , muyingugili ya Isilaeli byo muninga benindu, tuigili dini liole libengizubu kila handu. ²¹ Bibaumulunga: Ndatutambuli Yudea baluba mushu gobe, wala ndawili nduku na mueze ao koola bibiha mu mushu gobe, ²² Tuzimbwili byo muninga bemunindu , tuigili dini liole bibengizubu kila handu. ²³ Bibatawilagena naii tufu, na ibumbu ishwali bichiumuvwila ukumugana naji û yende yaji. Paulobigutaubaswahila ibalu ya Vili, ubaha bushuula, muukeba ukilila misii ya Musa na bang'hanga biloto, ubahujyisha bebya byeleele Yesu .Mayuilizi gauloga ubambila luela ufiila yogolo. ²⁴ Bamu bawitaba bebya bigwakoola,na banji nda bawitaba na guhase. ²⁵ Lubawisigena na ndabihuzyine, Paolo boigubasindia na yihi lilimu: " Tshiuli ilumbutui ya'koola zimbu na bashetu mu anu mwa ng'hamnga biloto Yesaya, ²⁶ Na uboya : Yenda gwasahili bandu ba ki'iba;lu; uhuzya mumuhizi, ndanumukwata ; utamngila mumulola , nda nuli bumwene. ²⁷ Mu utina gwenu ngugalului gumini: maushu mugataha gashimuhuzya nda mumona wa mesu , nda muhuzya wa maushu wala nda muyua wa tima, wala luitabu oto, mimi nianufula" ²⁸ Muyui zimbu, luvula lwa Vili luwenda ubapagani, naboho bamuhuzya . ²⁹ Lubahuzya biole byebu, bibawigila mwikihindizyena hangati yabu. ³⁰ Paolo biguukaa mia yibili mu yende igwa panga ; mubatambula bandu booso bamufia wagi, ³¹ na uhubili na wigisha ng'handa ya Yesu Klistu, wa mushu taaq bila itingu ya uziubu.