¹ Aglipa biguboya Paulo:''Guna lusa lwa ushotol'wela muolo gobe''. Paulo bigugolola uboô, na ubambawiyoela : Niwimpona nyatu, wee mwini ibalu Aglipa, kukoola lelu û mesu gobe mu byoso binjiteke Bayuda , ³ Guliguli buose misweela yabu na m,baâ yabu. Niukuhazya gu mbudji batabata. ⁴ Bayuda booso bijili buome bwami bibauli mu isambu yami koa Yelusalema, ubambila bulenge bwami. ⁵ Bigili ubangila haala, na hutu balegelezya bayikoelee, nili habui nanda kulonda osooso byoso mu dini lyetu, mimi nalii Mufalisayu. ⁶ Lelu, nimwimua kulonda lulagilu lwa bashetu lubau hangubu na Vili. ⁷ Na mbutu yetu umina yibili yili bitaa kutaha mulimu gwa Vili, butufru na yuba. Yakaa ukugila , bebe kasheke niahulubu na Bayahudi! ⁸ Njiayi ! Ishi ya bebe witaba Vili gumusangulanga bafu? ⁹ Mimi, nali na luitabu kugila lwqa ubenga zina lya Yesu Mwanazaleti. ¹⁰ Bini autaha Yelusalema. Niataha mu buloko Baklistu bashwali niauhubu buswata na bayui ba Makuhani na bamwihagangubu, yali mu agole ami hamonga na bangi. ¹¹ niyungizi mu masinagogi gooso na uloga mwibasumbulusha na ubafuninia batuni luitabu lwabu, yokaa ibandi ishali , na ubasuvya vuu mu zyaati gangi ga bungene. ¹² Muliya tima , nigili Damasiko na bulagi bwa bayuii ba Makuhani. ¹³ Yuba mungati , be muini gwa nimwene muisinda muchee umbagana na banienabu ufumina higulu na butogene ukila bwayuba. ¹⁴ Bituhulua booso mu mavu, bioniuhuzya yihii mu lulimi lwa Baebulania : Saulo, Saulo u gulu yamuzuvila, ngiayi?Nguuminio wobe utaha yahi mu kanibi uma ngooma? ¹⁵ Biniulunga: Ni naniah mwanana? Gehe mwanana biguhindula: Nyami Yesu gumusvya. ¹⁶ Yigoya, yimana shuhu; Niou kufumina kukutanya ngeze na shula gwa bindu byomwene na biniga wilagizya wobe. ¹⁷ Nikusabyele hangati ya bandu na mungali ya bashigili Vili ubali wamukutuma, ¹⁸ Gwe gwa babululi mesu bafumi mumufitu na itambula muchee naufuma mu buswata bwa kiyunguyungi nautambula Vilinyambi, muisinda lwa luitabu wali mimi, bins'onya bya bubiha na lubala hamonga na batoshilubu. ¹⁹ Lugila ,kasheke Aglipa nikutigene wimona wa umona bya higulu: ²⁰ Ubali Dasiki , honga Yelusalema na Yudea yoso, na uli bapagani; Niahubili bagalului Vili na balagidji songo tenda lugila lwabu. ²¹ Jehole Bayuda ibangwatili mu hekalu na gila mukeba banyihagi. ²² Vili bobo, ilulu lwaki buome , na muitondola û mesu ga balenge na bayui na shivulumidji mwa koolo bang'hanga biloto na Musa bimubozya ufia; ²³ uyua bululi Klistu gumusuvubu, gumusangu gwa kwanza mu bafu, na ulagizya muchee wa landuna bibalu. ²⁴ Lwelagizi lugila , Festo biguganyunua: guna agologolo Paulo! Uyua wobe ushali guzimizya nyini. ²⁵ Shili gu bayui, ah muloha Festo bilungizi Paulo, nguboyela la lugila na vbuomene bwa byakaele. ²⁶ Kasheke ngululii, ibiolebye, na nimulimtushi ala, na gehe nda vulumizi indu, nda mwakila bya lumusinusi. ²⁷ Guna luitabu wa Ng'hanga biloto, kasheke Aglipa ? Nigiliguli guitabi. ²⁸ Aglipa biguhindula Paulo: Nda mumukeba gungaluli hahanu ni kai mu Klistu! ²⁹ Paulo biguumulunga : Hutu mbahanu, alilelu, yatekee wsa Vili hashi wole bebenge, na wa ba bamumbuzya lelu, bafii byali mimi, hutu mu bubu bukwati. ³⁰ Kasheke, mwini iba;u, Belnika , na bali vawawa bibawigoya, ³¹ Lu bawikatua , mukishotozyena: Yugu mundu nda tele bibihu bya umwihaga ao umutaha mu yende ya mbete . ³² Aglipa bikoola na Festo: Mundu yugu guli buhoswelubu, genangukaa uhazya wagi wa wenda wa Kaizali.