² Bigusangana muyuda jimu zinz lyagi Akila mubutui gwa Ponto gucha mufumina ku Italia na mwazi gwagi Plisila wamana Klode gwaha na luhusa û bBayaudi bakatui û Roma bigu wingu nabu. ³ Kumona nang'hah bana mulimu gugumu bigukaa nabu hahanu mulonga bibanda. ⁴ Paulo gwa mbikisha mu bihili kila lutufu wa busatu na û balimununa Bayaudi na Bagiliki. ⁵ Sila na Timoteyu habafia ufumina û Makedonia bibawihana baboso û ng'handa ya Vili. Mubasahuwila Bayuda nang'hah ya Yesu Klistu. ⁶ Bayuda nde bawitabeuh bibabamba umutua bulom, Paulo bigukukumuna bilamba na ubasahuwila : Muloho gwenu gwahului mu mishu yenu mimi nili gutoa, tangu hanu niwenda uli bapakani. ⁷ Haufuma waji bigushela wa mundu gimu zina lyagi Yustusi gwamtina Vili-Nyambi. Na yenda ibali yali mbombombo na hali kibanda. ⁸ Klispo muyui gwa kibanda biguwitaba mwanana na Yende yayi yoso na Bakolinto bashali bahuja Paulo, bibawitaba nabu bibabatizubu. ⁹ Mwanana bigukoola na Paulo û biloto butufu : Ndutina indu koola na ndukaah wehe. ¹⁰ Mimi ninobe, mundu nasi gigimu nda mutaha uboo wole bebekukutah bibiha. Koola nina bandu bashali munu mu yinu jaati. ¹¹ BIgukaah nabu mwaah gumu na miezi mutuba mwigisha Bakolinto ng'handa ya Vili-Nyambi. ¹² Wakati wa Galio wali muyui gwa Akahaï , Bayuda bibamona bwazi ju ya Paulo bibawenda naji û kibanda ya mazambu. ¹³ Yugu mundu gumushawisha bandu umukilila Vili mamama na shelia. ¹⁴ Pulo habulula ku anu. Galio bigukoola na Bayuda : Yamumona hanu ni wibijena ô ng'handa ya bwazi nimwanuhuzinenanga paah na bana sambu, oohBAyuda; ¹⁵ Yili hanu ni mbaa û ng'handa ya mazina na kanuniobe: Yeya yimunulola sileglejye ukaa musambishayi gwa byebya bindu. ¹⁶ Bigubabinga koa û kibanda ya uzambishila. ¹⁷ Boso bibamukwata Sostene muyui gwa kibanda na umujibila ubuhala lwa kibanda . Galio gusha gwa ukaa na ng'handa. ¹⁸ Paulo bigukaa honga ushali û Kolinto bigu wilee nabu bugubanda na wende û Siliya na Pilisila na Akila kisha ubaholo mushu û Kenkleya. Sababu ya nduku igwauta. ¹⁹ Biba ufika ku Efeso, Paulo bigusiga binaji habashela mu kibanda igubamba uyulila na Bayuda . ²⁰ Baumulugulaq na ulugula matifu. ²¹ Nde bayua indeuh ,bigubalaga na koola binu: Yimumbaja uvutah lutufu lwa musangu kunu û Yelusalemu nimwagalusha honga wenu Vili jeleglezjia na biguwenda Efeso. ²² Hagutua û Sezalia bugubanda û Yelusalemuhaguvua usema kanisa bigutua ku Antiokia. ²³ Hagukija matufu gashwali û Antiokia , Paulo bigubamba honga lugendu bwa wenda û Galatiya na Flijia waba honga bamitwana bposo buswata. ²⁴ Muyuda jimu zina lyagi Apolo mundu gwa Alexandlia utelezebu mu busingi bigu vuyaka ku Efeso. ²⁵ Gwafundishubu mu zila lya Mwanana na chiuli bigusawila na ubalagiza na tima lilimu ng'handa ya Yesu jeeh gwa kuza lubatizo bobo bwa Yoani. ²⁶ Bigubamba ukoola munda mwa kibanda . Akila na Plisilia baumuhujinena bibamubalugula na umutula mu zina lya Vili-Nyambi. ²⁷ Gwalegelejye ukilila û Akaïa banduku biba û mutima na usingila mitwana bamutambuli byabuose. Hagufia giguwenda bwa Vili-Nyambi bwalugila ûbaba batambula ng'handa ya Vili. ²⁸ Gwamubabdenganga Bayuda hangati ya bandu. Umonesha û busingi nang'haa yesu ni Klistu.