¹ Tubambi honga utohe witisha batu ba ninu? Byonga tuna muma gwa bangi, na bisingi bya busheela unuli? ² Banu i bisingi byetu, bisingi mu matima getu , yijilibu na utoholubu na bandu boso. ³ Mumoneshubu bu isingi ya Klistu , isingizibu, na mulimu gwetu , nde gwa winu, ila wa chiuli ya Vili gu na buome , nde ulwegulu ya bueh3e, nde ulwegulu ya mubili, ngulwegulu ya matima. ⁴ Koa ukigila , tunau wa Klistu habwihi na Vili. ⁵ Nde uboya nang'ha tum'koa batu baninu na buswata bwa muninga bindu pana bimufuma wetu batu baninu. Buswata bwetu, bumufuma wa Vili. ⁶ Gwatuha buswata bwa ukoa miloha mu ilonge itohe , ishi wa bisingi ,ila wa chiuli; Bisingi bimwihaga, ila wa chiuli imutaha buome. ⁷ Hutu gu mulimu gwa ufa , guhali hamonga na bisingi û mabwehe, ya na butumbi, nagu bana ba Izlaeli nda baweza ulola buhala bwa Musa, ju ya butumbu bwa buhala bwaji, bwali butumbu bwa ukila, ⁸ Bunji ayi mulimu gwa chiuli nde buyaka na butumbi buata!! ⁹ Hutu mulimu gwa wihajya gwa na butumbu, gwa tumbulubu, muyui gwa ukala mulimu gwa sambu guna buswata buswali bwa butumbi. ¹⁰ Ju ya bebya , chee yana butumbi nde , ju ya atumbu abakilili . Ya na beu , wilondena na butumbi bwata ukila bobuo uluebu. ¹¹ Wabibi yeya yali ya ukila yana butumbi, chee ilionga î na butumbu bwata wamehe. ¹² Na ukaa nako ukugila, tumwisamba wa musangu gwa mehe . ¹³ Nda tum'taha pana Musa gwataha ibwi ilu ubuhala bwaji, ju bana ba Izlaeli nda bamona mwishu gwa chee ya ukila . ¹⁴ Bacha na ushugumini kuhujza . Vu ufiila lutufu chee ibwi ilu ya kangamenavu , habamutoholela ilonje ya ala , mnde imwimana , umona imuzimina mu Klistu. ¹⁵ Vuu lelu , habamutoholola Musa , ibwiili kitosubu mutima gabu; ¹⁶ Na hutu tima ligal'lua wa Mwanana, ibwiila kiwatushubu. ¹⁷ Mwanana ni chiuli; na kô uli chiuli ya Mwanana , ikoa uli wikalila . ¹⁸ Batu boso bali ,buhala butotole, tumulola pana kuiyina butumbi bwa Mwanana , tugal'lulubu mu yeya mbuluu ,butumbi mu butumbi , pana wa Mwanana , chiuli.