¹ Paulo njeze gwa Yesu Klistu wa uleg'lejya wa Vili , na mwana gwa tutu Timoteyu û kanisa â Vili ali û Kolinto , na wa balumb'lui boso balimu Akaya : ² Binisonya na atalalandongo byakaï nenu wilondena ba shetu Vili na Mwanana Yesu Klistu ³ Figulubu bebe Vili , shaji na Mwanana gwetu Yesu Klistu , shetu gwa binisonya na Vili gwa utushamanizi, ⁴ Gumututusha manizi mu usuba wetu woso, wabibi muutushamanizi kuutuli bindu bya Vili, tukumbene ukwatilijya bali mu usuba ! ⁵ Bibi usuba wa Klistu bi umwigujza wetu, bibebya utushubu wa manizi wetu na Klistu umwigwejza. ⁶ Hutu tulibasubu, ni ju ya utushuba munizi genu na bushoe benu; tumutushubu manizi, ngutushubu wamanizi genu, bimitekea na wibatia wenu mu usuba uswali. ⁷ Na ulamina wetu unulibanu wa buswata tujili nang'ha , hutu guna ihindi ya usuba , guna ihindi bi bebya ya ulolubu. ⁸ Nda tuleg'lejye, wabibi, sinamuna gwa umisiga mumufutu, bana ba tutu , wilondena usuba kwata utufiili ku Aziya , twa suba ukila , buswata bwetu, utwa fiila watusha ukala nyini ya buome. ⁹ Twamulola pana banu ilutele ufiila ku ufa. Nde twa cha milola batu baninu, ila mulolela bobo Vili, gumu sangula bandu u bafu. ¹⁰ Yo gwa tuhiula na igumu tuhiulu mu kunu ufaq, ya gwa gutu'kugila igumu tuhiula honga . ¹¹ Na banu mutukwatilishi na malombi binisonya bimutufiila wetu uli baswali yakaï isima ya utufekusha. ¹² Imuta butumbu bwetu , ni bushu'ula bwa nyini ya munda mwetu, nang'ha twa chamiyenda mwalunga-Mugaza , hasa ju yenu , muwilola ma tima na lugila uluebu lwa Vili , ishi wa uyua wa mubili,ila wa binisonya ya Vili. ¹³ Ndatuma musingila bingi bindu ishi bebya bimumwitoholola na bebya bimwijili. Nimukugila mumubiyua na kusiila. ¹⁴ Wa ayi mujili ala mubihindi na tuli butumbu bwenu, na bibebya mukai butumbu bwetu lutufu lwa Mwanana Yesu. ¹⁵ Mu kunu ulolela , nif'na muma gwa uviaga wenu, ju mutambuli binisonya wa abili. ¹⁶ Nina muma gwa ukilila wenu mu wenda wami wa û Makedonia, na ugusha û Makedonia unuli, na banu unzidia û Yudeya. ¹⁷ Na lolwa, lwa leg'lejye bebya , nina luhugu? Apo, utaha wami uli pana utaha wa mubili, wa ginsi wakaïwitaba ao ushi witaba? ¹⁸ Na walugila na Vili gulibululi, ng'handa yeya yi twamisahila nde yali inh ao hahuhu. ¹⁹ Mwana gwa Vili , Yesu Klistu , yogwa gwa misahulubu na batu û ngati yenu, na mimi na Silvano na Timoteyu ndali inch na hahuhu, inh yali waji ; ²⁰ Wilondena na yoso yitwalagilubu na Vili, ngwaji umwitabubu inh; iwa bibi honga Amen wele jehe na usaulubu na batu ubutumbu bwa Vili. ²¹ Yo gumutwimajya batu na banu wa Klistu, na utulalaba mang'hani, ni Vili, ²² Yo gwa tutaha izingatisha na gwa taha mutima lyetu miole ya chiuli . ²³ Na nitaha Vili shu'ula gwa chiuli yami, kuubalama iwana washijili û Bakolinto; ²⁴ Nde nang'ha tut'nena luitaba lwenu, ila tumimikwatilisha û musangu gwenu, mukaamanimukangi mu luitaba.