¹ Tchuli imusasanga sehe ya ng'ha bibi bya unyuma bandu gamusulea imani na wilondena na tima ulimbana na miolo ya ufumina umilivi. ² Babulubu na buofi babalimu bandubu sola ya tima ya mulibele hangati ninga wabu. ³ Babandu bakusha bandu utomaha ndoa honga ndala lya lilasi bikambanda ku Vili gwa ulumba uwitebe hayali babambula lugila gwa ulipaha wa ufekusha. ⁴ Kili indu yautelua wa Vili jilegela nda uli yambengubu ibuguilubu ututla. ⁵ uswa yela yatahubu itoha wa moolo gwa Vili mu hajya. ⁶ Beshotola bandu moolo gugu gukaa mutuama gulegela gwa Kristu Yesu, na gulishubu ng'handa ya imani na misahu yilegela bayitaba buhululu. ⁷ Mubenge ng'no ulegelejya yishi ya dini yivisha na baozi banunu yishi musuma mu buhaji. ⁸ Umona wiyugijya wa mubili nda una induehe. uhozya ina ng'handa yoso unona yina mu gwa ulama bushoe, ihanu na yeye yimwauva. ⁹ Gu moolo gwa kufilama ukawaji gwitabi wamehe. ¹⁰ Wabibi, tusuba na mulimu na wisingena ku ya winingena Vili guli paha na mwihujyi gwa mbundu boso, ali batambuili. ¹¹ Yalagubu yeya ya usahula. ¹² Mundu ngujimu na kushi indu uboyela bebe gushi gwa mulenge, alika ilondelu gwa bitebe munda mwa sahua na musumwinu gwaji munda mwa buose bwa imani na butoa. ¹³ Mundu hemwausiyaga tuitakmii kubasomena bandu maandiku, ubatungijya, ubigisha. ¹⁴ Ndulea lozya chea ili munda mwa miolo yili munda mobe. igwa hulu musinda ya ng'handa ya mabiha na utulilubu maboo huji bwa babayui. ¹⁵ Mulole yi ng'handa gukai guyitabi habili gwa ng'handa yobe yakai buhululu umesu ga bandu boso. ¹⁶ Yilole benunindu biomona miolo yobe gukai biose munda mwa ng'handa yiyi na ndauli bakukuhujya.