¹ Yimuboyubu wa mehe e nang'ha uli maozi hangati yenu: Na maoze gagu mutindi gashi u bapagani , nang'ha gwa kai na muazi gwa shagi. ² Na banu mumwitisha , wala nda mu munamanizi na guyoga gutele chee itendo gwa katishibu hangati yenu. ³ Wa mimi, gushiliu u mubili , ila guli û chiuli, ni umukalila ala, pana mimi gwali onga , yo gwa gutele chee itendu. ⁴ Wa zina lya Mwanana Yesu, bnanu na chiuli yami twali hamonga na buswata bwa Mwanana gwetu Yesu . ⁵ Mundu gwa gomutindi gwa hanubu wa kiyunguyungu ju mubili gwaji gwa hal'bishubu, ila chiuli yaji ya shoshubu l'o lutufu lwa Mwanana Yesu. ⁶ Mba buose na bubi nang'ha mumwitisha. Nda mujili nang'ha bya ugisha bisehe bimugagisha ibufu yoso? ⁷ Mwatushi by6a ugagisha bwa ala, ja mukai ibufu itohe , ju nda muna bya ugagisha, ju Klistu pasaka yetu, gwa hanubu ala. ⁸ Tutahi na musangu ila nda kaa na bya ugagisha bya ala , wala bya ugagisha bibiha na bibiha , ila na mukati gusi gugagi, itima litoa na lugila . ⁹ Na misingila banu umukanda gwami, nda mukai na buhanji na bâ bana mahoze. ¹⁰ Siboyizi nda mukai hamonga wa mehe na bâ mahoze bâ munu mwa Alunga-mugaza, na bana muma au bâ bamwikujya na bâ bamutulula miisi, wabibi banu mupashili ufuma munu mw'Alunga-Mugaza. ¹¹ Wabibi, yeyi namisingila , nang'ha nda mukai na buhanji na yogwa , gumwit'ganubu ndugu, gu na mahoze, guna muma ao yogwa gumutulula miisi guna bulomo, ndove, nyivi nda mwitaba ulya naji mundu gwa go mutindi. ¹² Mimi nina luhusa ayi, lwa ubakalila babali haza? Nde babali hangati bamumwe wakalila? ¹³ Wa babali haza, Vili igum'bakalila , mwatushi yo mundu hangati yenu.