¹ Ango edhukolia inde kpaka esambo, likolo litikalia logoo ahue e esuki eengele kikima. ² Ienia koto waahumbwa sambo wayamali liwoso la Mwengei, wawahali kelelo sambo. ³ Ahumbwa odji adjaali, ayamalali koto la etumbeli, adjaali la ekeleli e wolo e paka la malasi, wamohali ngbii e paka la malasi la ohekeli eho likao ebete ekikima la oyakongi e wasatu kpaa likolo e etumbeli e wolo enge edjaaki liwoso la ngbelengo e okumu. ⁴ Miliengu ma paka la malasi milongwali la ewo e ahumbwa oho, etelali mboka kikima la oyakongi e wasatu liwoso la Mwengei. ⁵ Ahumbwa oho atotia ekeleli eho e paka la malasi, atumesali eho la ma mdambo e misa e etumbeli eho, wakaki wibingali, miili miokanali, wiseseleki epumbali koto mbume edudumali. ⁶ Waahumbwa sambo wango wadjaki la mahili sambo wayawongelali la obomi eho. ⁷ Ongo o liwoso abomia lihili lande, ewongo e malanga ma misa ewanesani la makila, elumbania la mbume,eesi e wisuki isato e mbume elongolali, eesi e wisuku isato e mite elongolia, koto ngasi mbesu ilongolia. ⁸ Ahumbwa owale abomia lihili lande, ema eesi nda mokoli mosungu enge edjaaki ololeyi misa elumbanali la ewale. Eesi e wisuku sambo e ewale eumali makila, ⁹ eesi e wandambo isato e wikelamu winge wikodjaaka la ewale, winge widjei la milimo migbaali, eesi e ndambo esato e wandondoli ebitanali. ¹⁰ Ahumbwa osato abomali lihili lande, monoto mwesi mosungu enge edjaakali ololoyi nda lotambe elongwali la likolo, ekwiyia, ekwelali eesi e ndambo esi wiwale koto e wilindo. ¹¹ Kombo emungo monoto edjei Mbondo. Eesi e wisuki isato e eumali djia, wato ngbii wakwali la kole e malia eho, laate edjiali. ¹² Ahumbwa o nei abomali lihili lande, eesi e wisuki isato e wuse la eesi e wisuki isato e ndebo la enge e minoto ebitanali, laate eesi e wisuki waho isato elie pii koto lisio e wisuki isato e wuse etidje la ngbai e liwusa wuse la likolo koto ndenge kikima. ¹³ Mbai idengakali, koo iokia ndjio eesi enge edjaaki ohumboyi awodja e likolo ekoasa la moli motetelake ate, ''Magba, magba, magba wa wato wango wayabati la mbume, la kole e mahili mango matikali, winge waahumbwa wasato wapotia obomi.''