¹ Mbuse eho ienia waahumbwa wanei wayamali la gboo enei e mbume, wadjaaki oheli wihoho winei e mbume laate etihohe la mbume, te la ewale, te koto la mote. ² Imoenia ahumbwa odji alongoiya la epumbeli e wuse, akotelaka, adjaaki la elembo e Mwengei o mokalo. Apamia la moli motetelake wa waahumbwa wanei wahaani mboka e obitesi mbume la ewale: ³ Otikeleni obe la mbume koto te la ewale, koto te la mite , lambelaniyo tee ango ekosesa iso obati tuke wa Mwengei osu wilembo la mbanda ewu.'' ⁴ Iokali motango mo wango wabatanali elembo koto kama la tuku inei la inei e wango wabatanali wilembo la maliye kpaa e Isalayele. ⁵ La elombo e Yuda koto liomu la iwale e wango watotali elembo, la elombo e Lubeni koto liomu la iwale, la elombo e Gada koto liomu la iwale, ⁶ La elombo e Asele, koto liomu la iwale, la elombo Napitali, koto liomu la iwale, la elombo e Manase, koto liomu la iwale, ⁷ La elombo e Simeona, koto liomu la iwale, la elombo e Lebi, koto liomu la iwale, la elombo e Isakala, koto liomu la iwale, ⁸ la elombo e Zabuluni, koto liomu la iwale, la elombo e Edjepu, koto liomu la iwale, la elombo e Bezamina, koto liomu la iwale wango wakondjali elembo. ⁹ Mbuse e sambo djaho ieneli mbai, dhenga! Ebiba e wato wango Moto te moikima akoenga otangi motango, walongoyi la miki kpaa, witondo kpaa, minoko kpaa, wayamali liwoso la mana meme, wakpali wisindje wibubake, waheli mangalala la mawo, ¹⁰ koto waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda sese liwoso la ngbelengo e okumu koto wayakongoli la Mwengei, waasia, ''Mokalo edjei atie Mwengei osu ongo oyabati la ngbelengo koto la mana o meme!'' ¹¹ Waahumbwa kpaa wayamalali kelekele e ngbelengo e okumu koto e mbange koto e wikelamu inei e mokalo, waimbali mbanda la mbume liwoso la ngbelengo e okumu. Wayakongali la Mwengei, ¹² waasia, ''Amen! Lipamboli, la otwa, la lokenge, la pambo, la mogano, la okulu, la otetelake edje la Mwengei osu libela la libela! Amen!'' ¹³ Mwesi ndondo e mbange aasia la mbai ate, ''Wango wakpali walobe wibubake, iwo nde wandai, walongoi eni?'' ¹⁴ Iasaali la inde, ''Likumu, owe oewi,'' Inde andjaselali mbai ate, ''Iwo wadjei wato wango walongoi la odjioji wosungu, wakpoli walobe wau koto waumesia eho ebubake la makila e mana o meme. ¹⁵ Eho lenge, wadjei liwoso e ngbelengo e okumu e Mwengei, wakomokelelaka otomo mosatu likolo la wuse la tepelo ende. La ongo oyabati la ngbelengo e okumu akoanda monguta monde likolo lawu. ¹⁶ Watioka kine gbutu, watioka ehoha e malia, wuse koto etiwabinga, koto ehela etetelake. ¹⁷ Laate Mana meme ongo odjei awodja e ngbelengo e okumu akoasombesa tee la moto mo malia ma mokalo, Mwengei akohuhola poo kpaa la maiso mau.