¹ Mbai idhengakali, iyenia mana o meme adhuholia elombo esi ndondo e wilembo sambo, iokia mwesi o wikelamu eho inei e mokalo easia la moli nda mo ngombe ate, ''Djaka.'' ² Mbai idhengakali, ienia punda bubake koto la Moto ongo odjakali likolo laho adjakali la otolo. Wamohali lingboka, apumali akolongaka koto la olongi tee gboo. ³ Ango edhuholia inde elembo ewale, iokia ekelamu ewale e mokalo easia ate, ''Djaka!'' ⁴ Punda tanake epumbali, wahali Moto ongo odjakali likolo lande mboka elongosake logoo la mbume laate wato waene. Wamohali kpoka esi esungu. ⁵ Ango edukolia Mana o meme elembo enge esato, Iokia ekelamu esato e mokalo easia ate, ''Djaka!'' Idhendali, ienia punda esi eindake, ongo odjakali likolo laho wamohekelia emekeli oliti la ewo ende. ⁶ Mbai iokia nda moli ndondo e wikelamu inei e mokalo easia, ''Oliti esi e opunga la lopata wesei, koto oliti isato e ologa la lopata weesi. Ase otibitese maita la bino. ⁷ Ango edhukolia inde elombo enei, iokia ekelamu enei e mokalo easia, ''Djaka.'' ⁸ Mbai idengia, ienia mpunda esi edjei la langi ndenge landenge, ongo odjakali likolo laho wamowelakali ate logo, koto masio ma logo mamobiliakali. Wamohekelia okulu laate aole wato ndambo enei e mbume la mongonga, la gbutu, la pese koto la mbau mbe e mbume. ⁹ Ango edhukolia inde elembo etano, ienia sese e etumbeli milimo ma wato wango waolanali la loyi e engbundu e Mwengei koto la otomo etotolake enge edjaakali iwo la eho. ¹⁰ Wapamali la moli motetelake, ''Tee la nda engele Motiesakoli Mosatu koto Molamu ekoumwa owe osambesi, koto owongweseli wato wango wayabati la mbume obe la kole e makila masu?'' ¹¹ Wawahekelali moto mwesi mwesi owu lobe ebubake, wawaselia ate wahome ma keke alidji, tee engele enge motango e wiino wau tuke koto wamangbau wango wadjaki ahue e oolani nda iwo mokoenga. ¹² Mbai idengakali, ango eluholia inde elembo e motoba, mbume kpaa edudumia. wuse woumia pii nda likolo, ndebo kpaa eumia nda makila. ¹³ Minoto ma likolo mikpia la mbume, nda mote mo pigi engele ekoyabandaka eho la ehoho, ekokoesaka wapigi eho enge etaniti. ¹⁴ Likolo liyawongolia nda ekoimbaka eho litoko, koto wisii la mikoli milongoiya la ebete eho. ¹⁵ Makumu ma mbume, wato wasungu wasungu, makumu ma wasoda, wato wagumake, wato watetelake, tuke, koto wato wa lipanda, wayahisia sese e mawela ma matale koto ma mikoli. ¹⁶ Wakoasaka ndji la mikoli koto la matale ate, ''Tokpeleni iso toisani iso liwoso la mbanda e ongo oyabati la ngbelengo e okumu koto liwoso la limemu e Mana o meme. ¹⁷ Wuse wosungu e limemu lande eumia, ndai okokala?''