¹ Motuke monde motano alélésia elodja mpe yenia monoto molongoya likolo mokao likolo la mbume. Wamohekelia liungola la mwela mabe. ² Mpe adukolia liwela libe, mpe milungu mitelia likolo la linge liwela nda milungu ma misa minge misungu mpe lihusahuse mpe la ehoho ilimania la milungu ma liwela. ³ Ndondo emilungu wapepe wapumbia, wayadjia likolo la mbume, wawahekelia okodi wungo okokani nda okodi ungo odjéi gake lauho ala la mbume. ⁴ Wawaseliate waikele obe la isokisoki wa mbume, odjangi okeli obe la kasikasi djinge djamalia mangunda waikele obe la moté te mokikima kasi di wato wadjangi kpaka E ngali likolo la ilongoi wau. ⁵ Ehekeleni aleti la iwo late watiwole kasi wawakele monga idebo itano mpe monga mokokeela iwo ikodja nda monga mokokelaka gake inga etwa moto! ⁶ Amango masio, wato wakoluka logo, mpe wadjua logo, wakodja la ehoha e logo ate wakue mpe logo okowakotila lihele lau. ⁷ Wango wapepe wakwani nda lapunda djinge ilengelami la kido. Likolo la mito mau wa djéi la magbaka makwani la wolo, mpe ilongi wau ikwani la ilongi wa wato Sue. ⁸ Wadjéi la sue ikoani nda sue dja wali mpe maino mau mokoani la maino ma Simba. ⁹ Wadjakali la ngwa ikoani la ngwa dja ibende mpe lokito lo mambvulu mau makwani la lokito lo makolo mango madjéi la mpunda ebele djinge yo keke obangu laokamai wita. ¹⁰ Wadjakali la mikondo mikoani nda kondo djagake mpe la winge wikusake djongo la mikondo mau midjakali la okodi okelake obe edjéi wato sandja itano. ¹¹ Edjakali kati nda mokodu mo motuke moliwela libe wawelakali la ebele Abaddon la Greke Apoliyon. ¹² Makpa mango ma liwoso maetali ndenga makpa male mageli mbuse eho. ¹³ Motuke monde mo motoba alélésia elodja, mpe mbai yokia moli mwesi mobumbia kati edjeka inéi djinge idjakali likolo la elika ewolo liwoso la Engali. ¹⁴ Mpe asia la motuke monde mo motoba ate tokolakola tuke inéi wango wawakadi iwo likolo la abale esungu eweliwo Euphrata. ¹⁵ Mpe tuke inéi djinge idjakali penepene esa mobimba, lisio, ndebo mpe elanga mobimba wawatokolia kpo ewate waolakole ndambo e wato. ¹⁶ Motugo mo wato wango wakomaka wita modjaklali miliadee miale la miale: mango motya mokali mbai. ¹⁷ Mpe mbai yenia motango mopunda la moene, mpe wango wadjakali likolo la djinge punda wakpali esinde wawita nda langi emisa, Diaceta, mpe etulélé emisa mito ma punda midjakali nda mito ma simba, mpe la minoko mau mibumbakali misa, la milungu mpe la etuleli emisa. ¹⁸ Ndambo ewato wakpali la mboka djinge isato mbe,la misa, la milungu mpe la etulélé emisa, djinge ibumbakali la minoko mau. ¹⁹ Ango odjakali makoki ma misa la minoko mau, mpe la mikondo mau ikwanakali la djodjinge idjakali la mito mau ikelakali iwo obe. ²⁰ Wato wango waikpali adjinge sambo mbembe waibongolali mitema la sambo mbembe dja wmawo mau la lolenge at waefukamele minge midili mibe mpe ikeko wa wolo, falanga, ebende, libukeli mpe mité iuho winge wituneke witiokaka, wisombaka. ²¹ Mpe wai bongolali mitema la wolakali wou, nda odjangi ilelo wau, odjangi oseka wau mpe iwa.