¹ Mbai idengakali, yenia mana okondolo oluholia elombo esi kati e ilembo sambo, mbai yokia kati ewinge idjéi la bomoi inéi wasi moli makasi nda mongombe:Djaka. ² Mbai idengakali, yenia punda bubake aenia ongo odjakali likolo la punda eho adjakali la otolo mpe okodi late sani late alonge. ³ Tangoeolukolia inde elembo wal, yokia idjéi la bomoi enge ewale wasi ate Djaka! ⁴ Punda, nda tanake ewumia ongo odjakali likolo la mpwi eho wamohekelia makasi malongoseke kimia la mokili late wato waolane iwo amene amene, wamokekelia mongonga mosungu. ⁵ Tango edukolia inde elembo engo esato, yokia winge wi djé la bomoi esato wasi djo ate djaka, mbai idengia, yenia mpunda esi dindake, ongo odjakali likolo laho wamohekelia emekeli la ewo ende. ⁶ Mbai yokia kati iwinge idjéi la bomoi inéi mongongo moesi mokoasaka djo:Emekeli esi la opunga lopata wesi,mpe imekeli isato mbuma la lopata wesi kasi weklake obe la maita mpe la mana. ⁷ Tango edukolia inde elombo enei, yokia mongongo mo enge eddjéi la bomoi enei wasi ate: Djaka. ⁸ Mbai idengia, yenia mpunda esi edjéi langi ndenge landenge, ongo odjakali likolo laho wamowelakali ate logo, mpe masio ma logo mamobilakali. Wamohekelia okodi late aole wato ndambo enei la mongonga, la djala, late nama djinge mbembe yoole koto wato la mokili. ⁹ Tango edukolia inde elembo etano, yenia sésé midili minge miolali iwo la tina eliba la Mwengéi mpe la kesi enge iniakali iho. ¹⁰ Wagangi la moli makasi wasi ate tee nda tango ekowasambesa owe mpe nda tango ekowahuela owe wato wa mokili midimimasu? ¹¹ Wawahekelia moto mosi moesi esindende e moli, wawaselia ate wayabate yo la ebete ehomake la ma tango, late walambele wamagbau wango wakokpa koto ndai iwo. ¹² Mbai idengakali, tango eluholia inde elembo emotoba, mokili mobimba mogbgonia, moi mumia pii nda likolo, sadja umia nda midimi mitanake. ¹³ Minioto ma likolo mikpia ono la mbume nda mopepe moninganesake moté mungo mokolumbaka mbuma djao la kasi. ¹⁴ Likolo liyawongolia nda okohimbaka ino litoko, mpe isanga la wangomba igbogoania la ebeté wingo idjéi iho. ¹⁵ Wakodi wa mbume, wato wasunguwasungu, wakodi wa wasoda, wato wangumake, wato watétélake, watuke, mpe la wasomi,wayahisia sésé emawele ma matale mpe ma wangomba. ¹⁶ Wakoasaka la ngomba mpe la mabanga ate tokpeleni iso tuisani iso liwoso loongo moté wabati la kiti e okodi mpe liwoso la kanda e e Mwengéi, la huse wonde omemelake okadia ndai okokala?