¹ Wapekelia mokombe nda epieli, lawasiate. Owe amala, meke molaka Mo Engali, elika, la wango womodombaka. ² Hoho emolako, motika de ongo wepime ongo sa, late ongo ehekelami la mabota, wohotokola ling liwange sadja tuku inéi la iwale. ³ Yohekele kesi dja mbau iwale mokombo mosakolake, wakpali kunia mùasio koto kama yale la tuku motola. ⁴ Edjéi la mite miale ma olive mpe la iyamaleselo wa matambe yale idjéi liwoso la Mwengéi wa mbume. ⁵ Inga moto moesi akela ate awakele obe misa mikumaka la minoko mau la owoli wanguna wau inga moto aluka ate awakele obe akokpa lenge ndenge djongo. ⁶ Wadjéi la mokombo modikake likolo ate ewongo atilue a masio mango ma masokoli mau, wadje la mokombo mobongalake malia maume nda makila, waddjéi la makoki mabingake mokili la ikoni wa ndenge tu, tango kpa inge ebaliwo. ⁷ Tango ekosesaiwo kese ehu, nama enge ekobudjaka la liwela libe likowasanesa wita, akowalonga, mpe awola. ⁸ Milonda mau miko dja ongo la liwange lisungu, waweli ate alolenge la modili, Sodome mp la Egipito, ongo omobakaliwo Engali. ⁹ Pele kati ewato, ikolo,minoko, mpe mabota. Wkoene milonda mau masio masato landsambo, waedima ate wakunde milonda mau. ¹⁰ Latina ehu wato wango wayabati la mbume wakohemele latina ehu wakoenene iwo ameneamene, late wango wasakoli wale wabitesali wato wa moki. ¹¹ Mbuse emasio masato la ndambo,modili moesi mokalake mokadia adje Engali, mowa lingelia, mpe moyamalia likolo la makolo mau, bo ewahelia wato wango wenekeli. ¹² Mpe wokia moli moesi molongoya likolo owaseliate: tele aladjo! mlpe watelia ongo likolo la lipata, mpe wanguna wau wawenia ¹³ Lenge tango djongo,mokili mokili mobimba mogbongoania, mpe ndambo ewato elinge liwange,wakpia, wato koto sambo wangua la hungio ogbongwani o moki, mpe wango weti wawangia mpe wabadia omodombi Engali olikolo. ¹⁴ Makpa ma mbala iwale maetia. denga, makpa mango masato mageli sikasikadjo. ¹⁵ Motuke monde mo sambo alélésia elodja ende mpe okania ongo likolo la meli minge mikopamaka makasi okodi o mokili mobimba, ohekelenia adje Engali osu la Kilisito, akodja mokodi la masio mango madjangi osuki. ¹⁶ Mpe mbang tuku iwale la inéi, wango wayabatakali la kiti e okodi o Mwengéi, wafukamia liwoso la ilongi wau mpe wo modombaka Engali. ¹⁷ L wasakate: tokokumesaka owe, Engali weti mokili mobimba, ongo odjéi, mpe ongo odjakali, late oiki otétéléke wowe mpe ototia bmakoki ma okodi wowe. ¹⁸ Mabota ma memelia, mpe omemeli wowe okadia, mpe mwengele mosambesake wato wakpake ekokia, la owafuti wombo wowe wasakioli, wasantu mpe wato wango wako wangaka kombo owe, wana la iloko wato mpe wawabebisia watowango wakobbisaka mokili. ¹⁹ Molako mo Engali modukoania ongo likolo, mpe saduku e okimani henia la monguta monde edjakalui la mikalikali, mili, mpe ngombe, mpe ogbongwani o mbume, mpe ebele emalanga.