¹ Teopile, la litanda la mbai e poo, iyasi djinge kpaa Yesu apotali okeli la otiesakoli koto, ² tee lisiyo linge etelali inde la likolo, mbuse e inde ohi tomani la mboka e elimo satu atie tutiani wango awaonali. ³ Mbuse e oeni odjidji, ayaeneseli la mokalo atie iwo la wilembeli ngbii e omeemene. Aeneneli la iwo masiyo tuku ineyi, adjakali koto owaaseli sambo djinge edhendji okumu wo Mwengei. ⁴ Nda ndenge edjalikali inde la iwo, awahali tomani ate: ''Otilongwe la Yelusalema, ase lambelani ema enge Wawa awunali, enge iyoaselalini ino.'' ⁵ Yoani adjakali opatesi la malia, ase ino, la masiyo makeke, okopatisanani la molimo satu. ⁶ Ango wayutiani wabolianali wamohuelia ate: ''Likumu, ndji la ehele engele nde ekowongoselaka owe Isalayele okumu?'' ⁷ Awawongoselali ate: etiodhendeni ino la oyewi engele la masiyo mango Wawa abati sese e okumu wonde amene. ⁸ Ase okototani okulu engele molimo satu ekodja likolo lanu, okodjani watotoli wa mbai la Yelusalema, la Yudea kpaa, la Samalia, tee la gboo e moki. ⁹ Mbuse e oasi ndjongo, Likumu Yesu adjambanali likolo ndji wakomodhendaka, lipata limodhihia la maiso mawu. ¹⁰ Ango edjaki iwo ndji odhendji likolo, engele edjakali inde oki, dhenda, wato waale wakpali wisindje bubake wawapumbelali. ¹¹ Waasali ate: ''Pele dja Galilea, ndjoni eyamalini ino okodhendakani likolo? Yesu ongo, odjakali la ino akpalania koto likolo, akodja koto ndji ndjongo ndenge emoenini ino akotelaka likolo.'' ¹² Wawongwali la Yelusalama, walongwali la mokoli mungo moweli iwo mokoli mo Oliba, enge edjei ahue e Yelusalema, la lihele e okendo e lisio liesi. ¹³ Ango elingelali iwo, watelia la mwange e likolo ongo ehahanali iwo odjei, wadjakali Petelo, Yoani, Yakobo, Andele, Pilipo,Toma, Batelemi, Matia, Yakobo mana o Alope, Simoni moto o mogalia, la Yudasi mana o Yakobo. ¹⁴ Wayabondali, iwo kpaa wananganali la oyakongi, mongindji la wadji wali la Malia nango Yesu, la wamanango wa pele. ¹⁵ La mango masio, Petelo ayamalali liwoso la wamanango, iwo kpa wadjali kama esi la iwale, aasali, ¹⁶ wamanima, eongoni madhingo maengane, enge elimo satu eyasali liwoso la monoko mo Davidi la loyi e Yudasi, ongo osombesali wango wamohelali Yesu. ¹⁷ Adjali la iso, atotali lisango e wu otomo. ¹⁸ Oholo moto, asombali elanga e liputi e logo, akwali liwoso, aatanali, solo djande kpaa ipumbali. ¹⁹ Ehele loyi eyewani la wato kpaa wango wayabati la Yelusalema, eho lenge la monoko mowu, wakowelaka elanga eho ''Akeledama'' epoti oasi ''Elanga e makila. ²⁰ ''Laate edhingani la litanda e lembo ate, ' ebete ende eyabatake etikale ohola, moto koto atiyabate ongo'; moto odji koto atote mokpali monde.' ²¹ Ewongi, la wango wasombali la iso masio kpaa ango edjakali Likumu Yesu la iso, ²² opoti la patisa etotali inde la Yoani tee lisio linge litotanali inde ndondo esu, mwesi la pele djaho awume mototoli e obasi wo Yesu mongindji la iso. ²³ Wahia wato waale: Edjepu ongo owelani Balasabasa, wamosingiali Yusitusi, la Matiasi. ²⁴ Wakelali ehele oyakongi: Likumu, owe nde oyewi mitema ma wato kpaa, inya iwo waale omooni ndai, ²⁵ laate atote wu otomo koto wotutiani, enge Yudasi adheeli koto atutiali mboka ende amene. ²⁶ Wabingia djege, djege emokwelia Matiasi, ase aboleyanali ebete esi la watutiani lomi la esi.