¹ Gala, atie Gaius, ongo omobali mbai la omemene. ² Manima o libalano ikoyakongoko la owe ate odje olamu la sambo kpaa odje koto la wenge olamu ndenge molimo mo owe modjei. ³ Idjei la oteteli ango wamana ima wadjali koto watotololi la omeemene wungu wodjei owe la eho, ndenge ekoasaka owe osombi ndondo e omeemene. ⁴ Iti la ohemeli sungu. la ooki wana wambai wakosombaka ndondo e omemene. ⁵ Mobalani molamu, okokelaka otomo womeemene la djinge kpaa ekokelaka owe la kole e wamanima, inga te wadjei wadjidji. ⁶ Wango wawaewesia libalano wowe, sika ebete em onguta e Mwengei okokela olamu la odjui otomu e okendo mou la ndenge ndamu e Mwengei. ⁷ Alikambo la Yesu Kilisito ase waki wadjangia odjwi ema teeti la mawo ma wapagano. ⁸ Eengi la iso oyambi wato wa ndenge eho, towume wiino e otomo ndondo e meemene. ⁹ Idhingeli lingomba ma loyi, ase Diotelepe, ongo obali odji liwoso la iwo atitoyambe. ¹⁰ Woni inga abali ate owene: ikowela la sambo djinge wakokelaka. enge widengi iso. wato waminga owongeli enge ewaemelesiti le hoo etidjwa wa manango. ¹¹ Manaima, otitutiane asa mbo ,mbé, kelandi olamu moto ongo akokelaka olamu adjéi Mwengéi, ongo akokelaka obé atimoene Mwengéi. ¹² Wato kpà asé mèmene ehoo amene ekohekela eyaseli olamu, a moki mo Demotroce, iso pe tomowongoseli pe la hoasi asi asé oyewi até eyasani wosu édjéi olamu. ¹³ Ikodja la sambo ngbi la odingi asé ikokiti okeli ehoo la olimi la odingi. ¹⁴ Imungolia até iyonene sikandjo, asé tokowasela monoko la monoko. ¹⁵ Ate logo odjei la owe. Wino wa owe waoekili mbaa. hekelali wino wa owe, moesi la weeti.