¹ Eloko atie moli ongo aononi pe atie wana wande, enge e koyemeleka mbai meemene, te ndji mbai amene, kasi la wango kpaa wayewi meemene, ² la o meemene enge eyabati ndondo esu, pe ekoyabata la iso libela la libela. ³ Logoo wosungu ekodja mongindji la iso, la motema magba la logoo e Mengei wawa pe la Yesu Kilisito mana o wawa mongindji la o meemene pe la libalano. ⁴ Idjei la mwemu ngbii, laate iyeni wadji wana wa owe wakosombaka ndondo e meemene, ndji ndenge tototali pui atie Wawa. ⁵ Ndjongo sikalandjo, moli, ikoongoko la owe, nda moto ongo otiodhingelaka pui e poli, kasi enge etotali iso tee la lipotele ate tobalane. ⁶ Pe dhenda enge libalano eyinei, tosombake ndenge pui djande e oongi. Dhenda pui eho, ndenge saa e ookali ino tee la lipotele ate, osombi ndji ndondo eho. ⁷ Laate ngbi e wato wa moleho wapumbi ndondo e moki, wato wango watitiesakolaka ate Yesu Kilisito adjali la mweni. Inde ongo moto o ekosako pe mwaamaleli e Kilisito. ⁸ Kebani ino la ino, laate otiwungeseni pukapuka e otomo ekelali, iso kasi totote liputi kpaa. ⁹ Moto kpaa ongo oki lihele pe atikaliti ndondo e litiesakoli e Kilisito, ati la Mwengei. Moto ongo okowumwaka ndondo e litiesakoli luho, inde ongo odjei la Wawa pe la Mana. ¹⁰ Inga moto adja atie ino pe akpaliti ma matiesakoli, otimoyambakeni pe otimohakeni mobale. ¹¹ Laate moto ongo omohekeli mobale, ayakpuliga la sambo djande mbe. ¹² Te ndenge edjei mbai la sambo ngbii e odhingeli ino, ibaliti odhingi uho la okpengbeite pe la malia ma masia, kasi ikounaka ate idje atie ino laate tosolole maiso la maiso, laate mwemu munu motume mekee. ¹³ Wana wa maangua, moli ongo oononi, wa otomeli mobale.