¹ Te angbo de mo, sudha engbo elengeta de masudha fano. ² Fa fe ngbe komoko ba ongbo de o kpara na gulu gomo kote. Ombela kpara, o kpara namele jongo, o kpara nakina jongo de na elo ndjandjaka gobu na le ngo Eme, bolingo de guma naesuda de. ³ Beba, fa fe o ye worose ba odoko bakana te alingita te o kpara ongbo de bolinga satu. Alekede ba ongbo de o kpara na kedekede, aleke de ba ongbo de o bhali na fande. ⁴ Aleke ba osuda jongo. Jongo nasudha fe o igba worose ba okunda o wate wo de djinga wo. ⁵ Nangbo o kpara nakina ongo de o sele kpara. O kpara naleke bute, o jo kpara, na dje li o wate wo, ba kpara bili siri ngali Eme de. ⁶ Beba diri, sudha fe o palanga komoko, ongbo o kpara na kera engo. ⁷ Aleke ba emo gbagba mongbo de jo etalisi go bu jongo kamo. ⁸ Fa jongo na malo no te o kpara gbo ngongo de, de oyamo na dje lomo. De ongbo de na sitingo bili de te kote mo. ⁹ Aleke ba obali dje li omoro wo, na to fewo lidjadja go bu ongo ba da. Aleke ba oge siti sidinga wo de. ¹⁰ De nazi o e kawo, tongo aleke ba wo sudha ela nde maniaga de ngilingo. Tongo nato lokumu go bu jongo ba da go bu masudha, emo kpara ekowo eni. ¹¹ Kokorode, Eme sudha enani tsenga kaye tongoka na kowo o kpara ba da. ¹² Biguma na esudha ni na tse setiama i aga de goma ngo na kito. Tongoka nangbo esala de guma na gulu fe gomo kote, o ngbili kpara de o kpara te Eme le ga wo. ¹³ Engi sudha a engbo ba tongokana si ela lidjadja no te angbo ekina anga, go dhinga na ngbe nkembo ka Eme kani. ¹⁴ Engi to teye gbagba feni tongoka na o djila ni de o siti bulungo nde de namele. ¹⁵ Aleke ba mosudha ongo no, namele de ndjaka kamo nde, nato fe o imadje nde molende, to na kpama wo, soga wo tse kpara bili de tsia mo kokoro.