¹ Ayete teye go li na te kama na Sardesa: Itia kpara engbo de sipiriti santu ka Eme de o kofala marazi, mambela o kitima kamo. Mambela ba mokina ba mo ana be kowho, amba gini mokpi na moyi. ² ngbo go makenge, tala mokowho no engbo moli nakpi, kokoro de matsiya o ngale ngo no eleke de kanga Eme. ³ Mokina baka te ono to femo de baka te mono dje ete: de molila temo de modji temo. Te molila temo de, manoga bakana moro ezi, te mombila ga dhinga te makotoga tenga mo. ⁴ Ata deno, emo Sardesa mode o kpara ositi ana bongo kawo de, o dhokaga ede ma de bu bongo, kokoro de ilingita di. ⁵ No kpara engbo kowho no ombanga engi de bu bongo; ma eme ele engi de go ngbe buku na makowho, tasono, ma emega ele engi kanga wora de o anzelu ka engi. ⁶ No mo kpara engbo dje dengu na dje ngali sipiriti santu engbo ya go ngbe ete ka Eme. ⁷ Yete fe Anzelu na ete ka Eme na Filadelfia bane : tsiya nongo te santu, ngbingbili, kpara ezro tolo ka Davidi: no engi ho, kpara bili bosoga de, no engi boso, bili hoga de: ⁸ mambela kitima kamo. Tsia, tano mode mbo ndjaka, ta molila ngalima, tokana mo ba ndere te ele ma de, ma ho kanga mo molangote no te kpara bili boso de. ⁹ Adeno, mate to esaka mo ono na Sinagoga ka Satana, ongbo fa ba ode o Yuda, natsiya ode woama, tenganga ote dje ma, adeno mate bhukawo, de ogbukuma ede lemo, de ombela ba makonda mo. ¹⁰ Kokorode, molila ngalima go kekele kamo, malilaga mo go dhinga na ndjaka tshoro engbono fe to nde, toka nale o ingbo fe to. ¹¹ Mate no tsiane, Maza de malila no te modi, ba kpara bili de za ndata ngama kamo. ¹² Nongbo koto egilano, mamele d'engi mbaza bili na ngbe Ete ka wora Eme, ano engi gbeteye go no tokana de; ma yete nga fengi ele Eme kama, de ele ngbe kotye ka Eme, no na to Yerusamela engbo ko naya gokpe ede Eme kama, de to ele ma. ¹³ No engbo de dje, dje no te sipiriti efa fe o ete ka Eme. ¹⁴ Yete fe Anzelu ka ete Eme na Laodiseya: tsiya no efa De angba ba, ngbili ingbi dango etiga ba, mato na ongo te Eme mele: ¹⁵ Mambela o kitima kamo. Mambela ba mo diri gugu mama, mo diri ohoto mama. Alingita ba mongbo gugu ta te mongbo ohoto. ¹⁶ Ano bakate mo namo kpakpa, gugu de, ohoto di de, mazega mo de mora. ¹⁷ Kokoro de mafa: made moro kumuka, ma si de ohe, ma tokana de ngala e de, kokoro de mambela ba mode moro tsenga, de magala, edjoko, moro mazibo engbo ngilimba, ¹⁸ Mayo kangamo ba mosiya esaka ma nzenge no egulu fe ewa, de moya koto moro kumuka, de o bu bongo, de moya yo ba lomo na ngilimba kamo tsiya teye de,; de malasi toka nafuru dilamo de moya tsiya seke. ¹⁹ Ema, to kobo de kaki fe o kpara te makonda, ngbo de kekele de mo dji temo. ²⁰ Tsiya, malo ede molangote kamo, mate me. Te kpara dje lima te engbi ho molangote, malega tengangi, mazoga d'engi, d'engi de ma. ²¹ Kpara engbo kowho, mamelega ba angbo deni fe bhala ngama kama, bakana ma, makowho te mangbo de woma fe bhala ngama kaye. ²² Ba kpara engbo de dje, dje no te Sipiriti te fa fe o ete ka Eme!