¹ Mashudha ka Yezu-Klisto, ba Eme noto fengi toka nashile fe o itima kangi o bulungo nongbo eno go malifilade, soo engi bili bhuzangi, te matima anzelu kangi fe itima kaye Yoani. ² Eda efa mbara ngali'Me no ngbo etsiya teye, te Yezu-Klisto nofa. ³ Tshila fe kpara engbo tanga de kpara engbo dje o ngali sele li ka'Me de nawho no eyete teye! kokorode dhenga te beme. ⁴ Yoani, go oteme marazi engbo go Aziya: ba garasiya de ngugo toteye feyi de eleno enongbo, engbo, engbono, de fe o sipiritu marazi engbo kanga bhala ngama ka'Me. ⁵ De feno etsiya Yezu-Klisto, ngbili ingbo dango,gina djadji namazoko go kpi, enye fe o ngama nato! feno ekundani, egbeni go osisiti ngo de ngoteye, ⁶ deno emele deha o ngama ka omupe, amele kitima ka whoni Eme, dengi mazeba de ndjaka toka o karanga na karanga! De angboba. ⁷ Godilamo go kpe, de okpara nde tsangi, angbo de ono enoshit'engi; de oyingili ndena feto lofolo tewo fofofengi. Aba. De angboba. ⁸ Eme, ngama kama efa: Made mato' de magbuta, made no engbo, de no enongbo, de no engbono, no de ndjaka nde. ⁹ Ema Yoani, ndayi hi, no engbo za deyi ele go ngbekote ngama, adje deyi malese go mahi guma, de Yezu mini, manongbo go ndjongo na Patimosi, fofofe ngali'Me de matambisa jo' ngali'Me ka Yezu-Klisto. ¹⁰ Masika enane de sipiritu ka ngama, madje sidingama eli bili ndjandjaka, bakana ngunga, ¹¹ Angbofa: Note motiya, yete go buku bili de motima go sele Ekleziya, go Efezo, go Simirine, go Peregoma, go Tiatire, go Ozaroda, go Filadelofi de go Laodise. ¹² Madje ngama toka nambela ade ne li ne enongbo elho, de nadu ngama, matsiya Enga kpara ehita duye de kudu na nzenge (oro). ¹³ Eto otala marazi, kpara bili nongbo bakana enga komoko ka masi, eyo marakani, de kudu nzenge ege fe kpele. ¹⁴ Ndjongi de sindjongi nongbo bubu djogo bakana su kandolo, bubu bakana sangu; dilaye bakana zewa; ¹⁵ Olengi nomalateye de bronza engbo sota, bakana aya go mbelewa, lingi bakana gili ndjaka ngu. ¹⁶ Engi nozoro te kokpaye okofala marazi. Sape nongbo koto go mongi, de male bhochunde, sono landjongi nomala dilala ¹⁷ Godhinga te matsiya ba , mate te lengi bakpara ekpi makpi. Engi o kokpaye fema na faba: kpede! ¹⁸ Made mato de magbuta, de makowho, manokpiyi; tsiya ma go makowho toka o karanga na karanga. Mazoro tolo na kpi de na kote na kpi. ¹⁹ Yete ongo te motsiya, de no engbo, deno engbono sidinga engi, ²⁰ Engo ewoteye go o kofala marazi te monotsiya go kokpama, ehe ebe o tala marazi na nzenge, o kofala marazi de o anzelu na na o Ekleziya marazi, sono otala marazi, eshile Ekleziya marazi.