¹ Yude, moro kitima ka Yezu Kirisitu, engu de ndaye Yakobo, fewo kpara eno bhuka te o, okunda fe Eme Aba, te olila tongo Yezu Kirisitu: ² Ba tsenga, gungo de makunda ngbo fe yi nedjo! ³ O ndayi na guma bakana te ma ngbo elanga te de ndjaka eyete fe yi go ndjongo na makobo bili, ma dje tema beba mele tongo na to feyi kobo na gogo tongo ka male eno ngulu nani fe wo Satu edo be bili bokpa. ⁴ Tongo esoga yi o gara kpara bilibili tele, yio maki yete tee kpedi ngrasiya ka Eme kani go sitingo, oyala sidongo de Ngama kani bili Yezu Kirisitu. ⁵ Ma malango ebuza yi, feyi embela ndjandjaka o jongo bokpa, ba Ngama sidinga na ekolo o kpara de na gbe wo go kote na Ezipito, oya sidi ngito ohi ngama wo. ⁶ Tengu wo tongo na bura na ngbe mbili, o anzelu no elila de ngama notota fe wo, Ta ono tse ngbili seke kawo. ⁷ Ba Sodomo de Gomoro de o gbata na moli, ofo te o bakana ewo go gbama de o sisiti ngo baka ta yote de, oto siti etalisi, oza ga etumbu na wa na ndalo. ⁸ Diri beba, o kpara ne mini, elele loto kawo sitingo ba fe kote wo, otia kokoro gbe kpara de osiri o mabebe. ⁹ Ta, arkanzelu Mikaele, dhinga to gogo te de gbongwa de edinabo fe koho Mosa, no le de ebe tengu ekolo siti li, ta engu fa: Ba Ngama to femo etumbu. ¹⁰ Wo, engoto, wo longo go sirikpi go nongo te wo e ele, te wo ele e gongo te wo. ¹¹ Tsenga kayi denga wo fata kadje ka Kaina, wo torote wo tongo na za kose go mandjo ka Balaame, wo engeta tewo go ndjandja na Kore. ¹² Wo de mbo e go feto ka wo, oya mele bengo na kote wo, na tsia be ngo kawo melewo. No de nguwa de ngu de, te wavi efenge; o elo ne gala de ngwa de, ekpi do bhochu, te sese egbe tee; ¹³ O ndjandja wavi na ngbe ngu, etoro derofu edelo kawo; okafala emisa fewo eseke na biti eleke tee go mbili biti na ndala. ¹⁴ A diri mini fe wo ba Enoke, sekena saba ba te ato tee te Ademo, no fango bane: tiane ,Ngama enoyi de o Satu koto. ¹⁵ Tongo na mele bura fe o kpara bada, de na du engo fe bada o siti kpara esuga wo de o siti kitima mande tewo no mele de ositi eli nde na sirikpi te onofa te ele ngu o kpara na ligbiri. ¹⁶ Wo de o kpara na elo folongo, okugba fengo kawo, o dhoko bana o sitingo kawo, wo de mo na o li na soni, o le o kpara tengo etsia wo be. ¹⁷ Ta, o ndayi na guma, ikina ongo na fa teo egilano te o Apostolu ka ngama kaniYezu Kirisitu. ¹⁸ Wo ofa feyi ba go kini na komotata, o imo kpara ngbo ga, o doko sidingana o sitingo kawo. ¹⁹ Woye ogbe engo na ye too, o kpara na kote, o de sipiritu mama. ²⁰ Tongo yi, o ndayi na guma, ito kpa yi satu esugayi be mele yi fe zo male kayi satu, de ilote yi de Sipiritu Satu, ²¹ Tiane eyi go makonda ka Eme, de na tsiki ga tsenga ka ngama kani Yezu Kirisitu tongo na mokolo na ndalo. ²² Iza o kpara bilibili, ewo engbo ya; ²³ Ikolo o gara na gbe go wa; de o gara tokana, ingbo de guma tsenga etaka te de tsoro; iyala mbii bongo na li na kote. ²⁴ Ta, fengu kpara ratings eleyi go mate bada de na mele e gbe ye ngbade de go ndjela mabebe de go tsela kaye, ²⁵ Fe Eme bili, ikolo e a, fe Yezu Kirisitu Ngama kani, ba mabebe , ngama, ewo de ndjoka de gilano fe denga bada, de tiane, go o karanga ba kpa! Dangbo ba!