¹ Odjadji, igodjoyi fe oyijayi, baka ngama, sono ambele. ² Bebe womu de yimo de makpama na egilano kango na mafa, ³ Tongo kana mangbo jojo na kowho diri dhinga nodjo esala. ⁴ Eyi o baba, imele de ba odjadji ndjandja engo bili ta ikobo wuo na maré na shudha fewo baka ngama le ete. ⁵ Moro kitima, igodjoyi fe o ngama baka eso, na makpe de na yike te he go fafata ka gumayi, bakana Kirisitu, ⁶ De tongo na dhinga no ongbo so, bakana mele jongo fe o kpara, engo bili ta, baka moro kitima ka Kirisitu, omele de guma jojo ngbilingo ka Eme. ⁷ Imele kitima kawo jojo, baka imele kitima ka Eme ka o kpara de. ⁸ Nambila ba kpara na kpara, ngbo bali ngbo kokoro, zaga de Eme baka ingi no mele kitima ete. ⁹ Ata eyi, hi ho teyi, oishula, ingbo bi ba fewuo, iyala teyi na madriaga, na mbila ba ishula kawo de kayi engbo etikp, baka egilano engo na le fe kpara amama. ¹⁰ No tiga, i ho teyi ndjandjaka go Eme , tanbgo diri de wo kaye ndjandjaka nde. ¹¹ Iyo teyi de ose go ka Eme, tongoka malo mbele dongo ka zaburu ¹² Baka na ni de go tongo ka sono de ngote de, sono ni go tongo ongo no te gulu feha, de o ngama, de o kpara na mele kitima na biti, de ndjandja zaburu go seke etikpe. ¹³ Angano,ba iza o sego nde ka Eme tongo ka nalo mbele go dhinga siti kini, nalo ngbi sidinga na magulu ¹⁴ Anota, ileke teyi baka o sudha no omba kudu kudu kayi a de kali na fano. Sudha te mba teye de bongo na se tongo na buka teye. Bongo no ebukayi no a de ngbilingo. ¹⁵ Sudha te yo katara leleye tongo kana madhoko ngbo gungo. ¹⁶ Sudha teza esa kaye kopi tongo na buka teye tokote o kheze. Kopi kayi ngbo male; go dhinnga nde angbo buka teyi o kheze ¹⁷ Sudha te o ho gumaye tokote ndata na ese kaye. Iye to gumaye te Eme ingi kowhoyi meleye. Sudha te gbo go de sapi esakaye, sapi no Sipiritu eto feyi a de ngali Eme. ¹⁸ Esuga ongono nde, igo djoyi fe Eme. Iyo sidinga Eme baka sipiritu no shudha feyi. I ho djilayi, indala de, igo djoyi tongo ka o kpara ka Eme nde. ¹⁹ Igo djoyi fengi tongo kara, ingi shudha fele joli nongbo ba bashudha de kekele nde ongo no ewoteye go ngali Eme. ²⁰ Made Toma kaka, angbo diri mase tiyane go teku, ano tiane igo djoyi, fe Eme baka angboba mamele ete. ²¹ Ndayini na makunda, Tisipe, no nomele fe Eme de guma jojo efaga feyi ongo kara nde, ba imbela ba malingita fe. ²² Matima feyi tongo kana fa feyi fe akine de ingi ko gumayi. ²³ Eme aba de ngama kani Yezu Kirisitu oto fe ondayi nde gungo, makunda de male. ²⁴ Jongo ka Eme ngbo fe o kpara nde onono le fe ngama kani Yezu Kirisitu de makunda no gbuta de.