¹ Gbe, go Kiriya no te male dengu de o djinga ye, no te makunda go ngbilingo, abe dera bili makunda engi, ta diri o no nde ombela ngbilingo, ² Toka ngo fano, te itsia ga go a, te angbo ga feyi dela dela: ³ De grasiya, de guma tsenga de gu guma ngbo de yi go no etsia Eme Aba de no etsia Yezu Kiresitu, Enga Aba, go fano de matotemo. ⁴ Mano ngbo de ndjaka lidjadja na maka o djinga mo engbo dhoko te kadje na ngo fano, bakana makpama te ano za de woni. ⁵ Tsiane, no te mayi no, Kiriya, de bakana o to makpama, ta no engi to no maka bakana anoto teye, no te ano kunda ni nde. ⁶ Te makunda elingita na dhoko, bakana ino dje ete bakana ano to teye ete. ⁷ So o kpara na mafite nedjo ole esa la, ole de ba Yezu Kirisitu eno go kote kpara. Kpara engbo ba, engi de siti kpara na wu de no ele Kirisitu de. ⁸ Ilila teyi , ba de ingita lngwa kitima kayi de, ta imaka mabunza kayi. ⁹ Te kpara bili neke ngengele te eya ngbo go ngo ka Kirisitu de engu ka Eme mama, no engbo go ngo ka Kirisitu engi de Aba de Enga ye. ¹⁰ Te kpara bili no sidinga yi na sila gara ngo, ile engu go bu te kayi de, de ifa fengi de: modhokoyi! ¹¹ Tongo kpara engbo fa fengi: modhokoyi! Emele kitima go o siti ngo kaye. ¹² Made ongo nedjo na ete feyi, malingi de namele anga fe ketsekpa de na ete; ta mato gumara na neke sidinga mo, de molo ngo de yi go mo, ba lidjadja kama ngbo na ndja de. ¹³ O djinga ndayi ma worose te Eme lele obhitsia mo.