¹ Polo, apostolu ka Yezu-Klisto, te ngali makpama ka Eme ekakpani de Yezu-Klisto engbo makina ka a. ² Fe Timoteo, enga ma, ngbili engama go male: ba dango, guma na tsenga de gungo; ata teye fema ta ka apaye Eme de Yezu-Klisto, ngama kani. ³ Maku tema femo: ba matiya go Efezo, bakana te mangbo neku tena nga mase donia, mamele naniba taka naeyo ko ogara kpara na engbo to siti ngali. ⁴ Na itema de go alisi no engbo djade,kokorode anyota magbagala ulie na mele engo ka Eme go male. ⁵ Jo makpama ade engbo ya te joguma taka jo makina de ndjaka male. ⁶ Kpara eyaza o he ezo gozi, oya ngeta go o kokoro li. ⁷ Engi ngbo gele nokato kpara embela kpama, engi ngbo mbela de ba ningo ne te ningbofa, de ono tengi ngbole. ⁸ Ni elede ba makpama esiti kokoro de anga o kpara ngbingbili. ⁹ Nambela jojo ba makpama meleteye fe o mo ndjandja de o siti kpara, o moro ligbiri de o moro sisitingo, de ono embela ngo ka Eme de ono kpara engbo mele ongo elingita de ba maleteye de ono kpara engbo moro wue, de yiye de imomoro. ¹⁰ O moro gbama, de ono kpara engbo maka teo komoko de worose, de o likisi kpara, o moro wu, de ono engbo kala daye de ongo ngbo emala nga jongo kamade. ¹¹ Aleketeye misa ngali mabebe ngo ka'Me de no engbo sesele nato ngali no eto enani ete fele. ¹² Madu jo ele femo kpara etofele ndjaka, go Yezu-Klisto engbo de ngama kani, engi fa ba mangbo ngbingbili. ¹³ Maleke tema toko nangbo ngila kitima ka Eme, mangbo enani egilano ebebe o sisiti eme, imoro kpara, ndjaka komoko, atano mamaka dango, kokorode mangbo ndjoko ka ma ele, ngo ndjaka guma nalede. ¹⁴ De grasiya ka Eme kani a siteye de male de makonda engbo go Yezu-Klisto. ¹⁵ Ade ngali no ewoteye dango sesele te imaka, ano Yezu Klisto eno feto toka na kowho o moro libiri, adeno ma de gina kpara, ¹⁶ kokoro de maza guma na tshenga tenganga te Yezu-Klisto etia gara kpara na bili engbo de ngbengele guma, ba malo egilano fe ono engbole nga engi toka makowho na ndolo. ¹⁷ Fe ngama na o karanga, no ekpikpi de, na etsateyi de, Eme bili; ngbo ngbe ngala, de mabebe de o karanga na karanga! De angboba! ¹⁸ Ngala makpama te matima femo, Timoteo engara, ongo te mano tsiya egilano tongo ma, kokorode, sidinga nga magogo mbi jongo. ¹⁹ Na lila jo male de jo makina, ngali o makina no ogara ngeta ngayi, te oya ngeta male kawo, ²⁰ Libi o kpara eza tewo de Alexandra, matowo esaka djaburu, de otse na sama Eme.