¹ iwe, ulelanda ifintu ifyalinga ne funde ilya pwililika Mubutakatifu. ² Ule bebako bale tekanya, abachishinka, baleenda abachindama, mukitemwiko, nokuteka umutima. ³ Ule bebako abanamayo abakalamba, baleba ne myendele iyalinga mubutakatifu, belaba aba lwambo, aba kolwa indivayi balingile ukuba ne mafunde iyawama. ⁴ Nokupelako amafunde abena mayo abakashana ukula temwa abalume babo na banababo. ⁵ Bale ikakatishako, no kulasungabwina amayanda yabo bwino, abanakirila abaume babo, epakuti lishiwi lyakwa Lesa likaba bwino apabula umutungu namusebana. ⁶ Ulekankarikako naba lumendo ukula tekanya. ⁷ Uleilanga we mwine parifyonse ukulangirilo kyamilimo isuma, no kuleta amasambirilo ayaringa no buchindami. ⁸ Ne lishiwi lyobe irya linga ukutunguluka, bwino, apabula umuntu uwakukulandirila ifibi, epakuti umulwani akwate insoni, pakula ukusanga muriwebo akabi yangula fyekamo kakuku sebanishako. ⁹ Ule nkankamikako abasha ukulanakirila abashikulu babo, nokula basekesha muli fyonse apabula ubpinda. ¹⁰ Kabili bela bebila ifintu fyabo, baleikanga uku konjika no kolosha inshila shabo, pakuleka mule kinjikishako palifyonse amafunde yakwa Lesa Wesu umupusushi. ¹¹ pantu impalo rya kwa Lesa, intampilo lya kupusukilamo umuntu ali onse yarimoneke. ¹² Aletufundisha ukula kana ifybubi, no kusumina Lesa, twilankonkela ulunkumbwa lwapanonse, katule enda abatekanya, abalungama, abapetamina Lesa munshita ino yakwikala panonse na mano, nobukuku. ¹³ Pakulolela ubushiku bulya ubusumabwe mpalo, nakumoneka ubukindamibwa kwa shifwe Lesa umukalamba no mupusushi wesu Yesu-Christu. ¹⁴ Ewaipele umwine pali fwebo, pamulandu wakutufumya kumasambi esu nokutulubula, nokupanga abantu bakwe, abo abapangile ukubuta ne mirimo ishawama. ¹⁵ Ifi efintu fyakuti ulebafunda nokukomawilapo, ulebakalipila, nakumaka yobe nobukindami, belakusula nelyolimo.