¹ Lemu lambuta te : lameki ukito dikenda , nde hatshikitana la fumbe , kugha sulutani ke mbu yimo mbwende ; ² Kunde ele l'okogho walami lakina nyende edja ndu ndu lushi lokasonola shi . ³ Naso ndushu lekisu akenda , tuki fumbe leghele ke mbu de tundu de landja . ⁴ Ku lakike kuke kipimo ke shi , wunyashughu akatume onande lokuto male wakyu ndu lokuto maleghele k'elembe ⁵ Ne de nde tshughula aku wakileghele k'elembe , lu de shu ndughula ukito wana waluta . ⁶ Ne de ana waluta mbwenyu , wunyashughu akatume nyuma k'ele ande l'etema elesu , akate ate : Abraham shesu ⁷ Naso we oha fumbe ndu , ona aya lusakwenye naso wete ukito mbweye ludikambu de wunyashughu . ⁸ Ku l'etena kekina kehanyu tanyokewaka , wunyashghu , nyuki nafumbe ye mbu deha temolatemola . ⁹ Ku nye kyeyi nyunyombeyamo la wunyashughu . de lu okende wokalunyu kakina lu lokewo lohakudu lo anyanya ? Ghande wolaghanyu mbugha fumbe lolokewo kakina ? ¹⁰ Nyumbuhoka shi laghondo ndu myaka , Ndu leku . ¹¹ Ndu lemu lambuka woma te : Lakanyukambekan ulemu wubule utu ¹² Usekasu , lemu lambu nyosegha segha te : nyu nyughe na lemu , ne de lemu lambugha na nyu , nyu tanyoka kele kolo . ¹³ Ku nyumbeyaka nyumo : ne de maladie walu dughe mbukimenyusambishe lukumu l'ololo lu etna ketundu . ¹⁴ Nyu tanyoka onyola lamo tanyokasekamo nyu ladughe lemu , ku nyu nyoka ndughula ndu nyu ludughe lemu , lu nyu nyoka ndughula na dikendji le wunya shughu , ndu na uku krestu jesu . ¹⁵ Lenele oghenogheno ole nyu na? lemu omenyi wodikambu wone dikambu : oshukugha nyokeye ke ghane tshigha nyoka kundula ashu alenyu alenyu mbetame , ¹⁶ Nasomn lemu lambugha utunyi olenyu ne de lakanyeye akambu wamete uka? ¹⁷ Mbo wambunyukala l'usalaghanu , kule aha de nyu mbakala l'ukalaghanu ku eko dimena ¹⁸ Ku kweko dimena de mbu nyukala ka lutena mbonyukalaka lu dikambu di dimena lu tena dimo tshe , aha paka lemu la nyu atu . ¹⁹ Anamu watoyetshi lemu lambolumato lu dikambu lenyu , endja ndu lemu lakalaghe endja nduye krestu letema elenyu . ²⁰ Ku lemu laka kale mbugha lanyu lu kene etena , nede lemu la ne duyi lemu ; yatshumuye lu dikambu lenyu . 21 Umbe lemu , lemu nyuane ane wakala mbugha leghele k'elembe , nyu hanyuke elembe uka ? ²² Ne de ko ka fundfamo mo Abraham aki lana w'apami ahe , umbutshi male ekambi we akyo , ukina male wakyu loya gyasele ²³ ke ona ukambi wo wakyu lokutamo ana wamo ; ku ona wakyu luyagyasele mele ndu nde akutamo malu daka. ²⁴ Ane akambu weko na ane wele , ne de naakyo aso weko na tusheke tuhe . omo malu kidima ken sinayi nde sutaka ana lufumbe ndu nde eko hagara . ²⁵ Hagara kele kidima ke sinayi lu arabiya . Nde fundamoka male jerusalema ye nye kyeyi, Ne de nde eko lufumbe nde laanande . . ²⁶ Mbule jerusalema yele lula ye yagyasedi yele na nyaghesu . ²⁷ Ne de kokafundamo mo : oghene ghene we ekumba mbeye , loha hute ku ona ; Uhagho hagho la lelu , loha la gyumatshi ye mbuta ; Ne de ana wa wakyu lokasekama , mbondeka akgha wa wume esaku . ²⁸ Asekasu , ana wa daka mbwesu , wuhu wuki isaka , ²⁹ Ku luku lushi ku , ku ona lokuto ghene wutamo ana wamo akasuye ona lokuto malu nyuma , ghaso mbwedio ndu nye kyeyi . ³⁰ Mbota afundelu na ? mo : nyukyanye ukambi we akyu la onande lopame ; ne de ona ukambi lowakyu hayughe ukito kame laona lowakyu loyagyasele mele . ³¹ Ghane, asekasu , shutoha ana wakambu wa akyu, ku ana wa wakyu luyagyasele .