¹ Kwebyo anibabwira, baala, koshashi sa Ongo, mushabe (muhembe) mibire yenyu ibe lukembo lolutsene, lukwirire, yo yangasi kwa Ongo lyini mulimo wiiyira. ² Mutakwamaa binwa bye kihuo kino, mwirwemo bahya-bahya mo bwenge bwenyu. Mwire mwityo mwamgeminya eritsiira lya Ongo ebibya, beyri mumoera ne byobikwirire. ³ Bushana naneneema, kubushi ne mwisha nahabwaa, kira mundu yuli yonyuma twimwe atangaani tsabingi yo luulu kwiye yowene kulengwa kwangaanitsa. He, angobere na mianitse yeri ishikya, ngoko Ongo ameha kira mwima muhango mulebe we buholo. ⁴ Kubushi tuite bitambo bingi ko mubiri mwima, He bitambo byoshi bitena mulimo mwima. ⁵ Ebyebyo, twe tulibangi tulimubiri mwimq ku Yesu Kristo, ne bitambo kira mundu ku mulikyabo. ⁶ Tuli na mirimo ita lingene bushana ne miisha eyo mwahabwawa. Ali mulimo wa mundu ni loula, akole mo buholo buwe. ⁷ Ali mulimo uwe ni werimiyitsa o bwenge, Akole. abandi aite mwisha werikangya ebwenge, oyo akanye bandu. ⁸ Iri amulimo we mundu ni lumoo, ashikye-shikye. Alimulimo wo mundu ni hana (ni hemba) akole atyo mungoa. Alimulimo uwe ni inshya, akolebyo. Alimundu washashi, bikoleke mo ngoa. ⁹ Utatsiira mundu na mutima mubi mutinde bibi; mukwame byo bikwirire. ¹⁰ Bushana ne ritsiira lya munyikyenyu, mutsiirane mo bene ku bene. Bushana nerishikya, mushikanie mobene ku mobene. ¹¹ Mufue muhwa, mutabaa balombe. Bushana ne mutima, mukole nga baombe (Bakobe). Kubushi nyinya kuwetu, mumukolerere. ¹² Mumoe ko bushoki bwenyu nushana na biro byo byandahika. Mushikye mitima mo bitsibu biwenyu. Musere mumahemo. ¹³ Mushangire ko byo mundu ashonde. mushonde nsira nyingi si shonda bwenge. ¹⁴ Muhe miisha eboshi boba twaatsa; musimebo he muta takiraabo. ¹⁵ Mumoe nabo bamoire, mulilire hauma nabobalira. ¹⁶ Mubera kinwa kiuma imwe kwinwe. muta anitsaa meriishunga, he mwimire ebake-bake kwimwe mutaishikya shikya ko bwenge bwenyu mwebene. ¹⁷ Mundu amekura kubi nawe mutimwire kubi. mukole bindu byo bikwirire komesho we bandu boshi. ¹⁸ Biri byangakochibwa, nga kobyahirawa kwimwe, mube na buholo ko bandu boshi. ¹⁹ Mwebanyikyetu, muta iifuhitsa kinia mobene, he muubahe iifyunia lya Ongo. Kubushi bishakinue, "Ekinia ni kyani; Ingwe ne fyuha; ameneena nyinyakwetu." ²⁰ He mulenda (mushumba wakwingue) afyire nchala, muhe kalyo. Afyire nyota, muhemechi aryeo mukaira mutyo, iwamehira amakala komutwe uwe." ²¹ Utabaa na bubi, ukwame bibuya kulengya ebibi.