¹ Iye niri musabibu wi yira, na thatha yo muhingi we misabibu. ² Sondambi soshi muingye sosita buta mbuto, ni shuakira ndambi yo ivuta mbuto, kutokyalyo mbuhe libute nyingi. ³ Muhara babuya kubushi bwe mwatsi wo nyamemala babwira. ⁴ Mube mwingye nangye mwimwe endambi itabuta yo na yene itali ko muti batyo nemwe mutayikere mwingye. ⁵ Ingye niri musabibu nemwe muli matahi. Ukaberera mwingye na ngye mwimwe emundu oyo nya buta mbuto nyingi, butali bwangye mutanga kola kyoshi kyoshi. ⁶ Emundu woshi mwishe saye enderekerwa nga ndambi yu mire; abandu banashongya sho ndambi nyierekerato mo muchanwa, ni shiirera. ⁷ Muka bererera mwingye ne binwa byani bikikala mwimwe muheme kyoshi kyo mushonda ni mwe habwakyo. ⁸ Kweki thatha amesingibwa, mbuhe amu buta mbuto nyingi mbu muli ndumwa saye. ⁹ Ngako thatha a nziire nangye batyo niba tsiire, mubererere mo nzii yani. ¹⁰ Muka ikiritsa myombani mwendikala munzii yani ngako nyaikiritsaa mateeko wa thatha niikala mo nzii yiwe. ¹¹ Ngame ba bwira ebindu ebi, mbu herisima lyani libe mwimwe nerisima lyenu ribererere. ¹² Eyi yo miyombani, mutsiirani mwe ngako nibatsiire. ¹³ Hate mundu alina nsiingulu kweyi, mbwansibule buingo buwe ku bira buwe. ¹⁴ Muli bira bani mulya mukola byo baba tumangha. ¹⁵ Mutakiri ndumwa kubushe ndumwa itechibyo waliha na kola. Nyume bahulamo bira, kubushi name ba kangiritsa byoshi byo name unva ku thatha. ¹⁶ Muta nishombolangha hengyo naba shombolagha. Ni ba bika ya mubute mbuto, ne mbutosibeho eki kiriho mbubushi kyosho kyoshi kyo mukahema kwa thatha ebahatyo. ¹⁷ Anibalaaira ebi ngu muutsirani buli mundu na mulikya bo. ¹⁸ Ekihuo kika ba tinda muminye ko kya ni tindagha lubere kitechi kya batenda. ¹⁹ Mwanga bere be kihuo kino, ekihuo kyanga ba atsiire ngaba mukyo, he kubushi muteba mukyo, na kubushi nyame ba shondola itoka muti huo, kyokireka kihuo kibabagha. ²⁰ Mwibuke kyo naba bwiragha endumwa itenene irengya mwami wuwe bali baninubyagha, bende bunubya imwe. ²¹ Bende bukolera ebyoshi ebi kubushi bweli tsina lyani. Kubushi banamwechi yo wanitumagha. ²² Iri ndahikagha ni bwira bo batangabere na bibi he batali na buholo ku tsombi zabo. ²³ Yonibayire na thatha ²⁴ Iri ndechi na kola mubo byo undi mundu batangabere na nzambi he bame kola ebibiri byoshi bame tushunga ni tubagha ingye na thatha. ²⁵ Eki kyende huluka mbwe kinwa kibererere kyo kishakirwe mu mateeko wabo: " Bani bayire busha" ²⁶ Mo kashangi mutangutsi ame hika yo niende rebeka itoka kwa thatha oyu yo mutima akwirire yo huluka ku thatha, endenfula ebi wani. ²⁷ Ne mwe amunikakya kubushi twaba hauma ne mwe ko ndangiro.