¹ Mboki, vakala yakala dimosi diayikua Anania ye nkazi ani Safila, wateka ndmbu a mvulu awu. ² Ye simbinina ndambu a mbongo za ntekolo (nkazi ani wazaya wo mpe), ye wayiza tula ndabu yankaka ya mbongo va malu mazintumua ³ Kansi Petelo wavova: Anania, bila nki Nkadi a mpemba zeli mu ntima aku nate ye ku tuma mu vuna Mpeve anlongo ye wa simbinina ndambu ya mbongo zitekolo viye. ⁴ "Va kiakele vo viye diodio ka diatekolo ntete ko, kadia kezi kala mvuilu aku ko e? Ye ku nima bu ditekolo kadia kezi diaku ko e? Nawe lendele mu bangila diambu dia mpila yoyo mu ntim'aku? Ku vunini antu ko, kansi Nzambi." ⁵ Va kawa mambu momo, Anania wabua ye wafua. Ye wonga wakota mu ntima mia awonsono awa mo. ⁶ Zintuenia za mayakala ayiza anzinga mu kuele ku nzila. ⁷ Kunimafidisiwole tatu, nkento andi wayiza, lembua kua zaya matekele vioka. ⁸ Buna Petelo wanzayisa, "Wunkambeti keti vo mu ntalu yayi nutekele mpatu e?". Yani wavutula: "Ingeta, i mu ntalu yoyo". ⁹ Buna Petelo wanzayisa: "Nawevi nu lendele, mu nguizani, mu tonta Mpeve ya Mfumu e? Tala, ele ziki toko diaku eka vo muelo, ye se akuna tumuna." ¹⁰ Yani wabua vana fulu beni ye wafua, ye zintuenia za mayakala lukufi ye toko diani. ¹¹ Wonga wawingi wakota mu dibundu diadionsono, nate ye kua awonsono awa mambu momo mamonsono. ¹² Yimangu ayingi ye mangitukulu mamingi mavangama va kati kua nkangu mu moko ma zintumua. Akala vamosi vana nsampa a Solomo. ¹³ Kansi kamuntu wankaka nkutu ko wakala kikesa kia yikama kua yau. Mpeleko nkangu watoma ku ayangalala beni. ¹⁴ Diaka munkuikizi miatoma kulama mu Mfumu, ndonga ya amakala ye akento, ¹⁵ Nate te aku anatina nkutu zimbevo mu balabala ye awo ku alekisa va zimfumu ye yimfumu mfumu, kidi vo mu ntangu Petelo kana vioka, kini kiani kina vialakana ankaka. ¹⁶ Ndonga yafuana yatuka mu zimbanza zakala mu kingundidila kia mbanza Yeluselemi ayizampe, anata zimbevo ye wowo akuamusua kua zimpeve zambi, ye yau awonsono aniakusua. ¹⁷ Kansi anganga za Nzambi wanatuuka va mosi ye antu akala yani (i dibundu dia asaduki); azala ye maketo. ¹⁸ Akanga zintumwa ye aku alosa muna boloko dia antu awonsono. ¹⁹ Kansi muna mpimpa, mbasi ya Mfumu za ziula mielo mia boloko, yaku avayikisa ye yaku azayisa: ²⁰ "Luenda, mutelama muna tempelo ye mulonga kua nkangu mambu mamonsono ma zingu kiaki." ²¹ Va amana mo wa, akota muna tempelo muna siuka nsiuka ye alongila. kansi nkulutu anganga za Nzambi wayiza, ye awonsono akala yani ntuadi, abokidisa lukutakanu, akuluntu awonsono a nkangu a Isaeli, ye atumisa mu kuele lana zintumwa ku boloko. ²² Kansi mfumu za masoda zayenda kuna ka aku amona ko muna boloko, ye avutuka mu songa nsamu ena: ²³ "Tuele wana boloko diatoma kangama ye minkengi miatelama vana muelo; kansi vatu ziudidi dio, katumueni kani muntu ko muna kati" ²⁴ Mfumu a minkengi mia kinlongo ye nkuluntu a nganga za Nzambi va amana va wa mambu momo, ka azaya ma afueti vanga ko, mayindu mau masuka mu maladi yau mosi ye momo malenda luaka ku nima. ²⁵ Mbosi, muntu umosi wayiza ye waka akamba: " Antu wowo anuatudidi mu boloko ena muna tempelo ye etilongila nkangu ²⁶ Idina mfumu a minkengi mia anlongo ye akuluntu a minkengi ayenda ku alanda, mu malembe, kadi akala wonga wa zubua matadi kua nkangu. ²⁷ Va amana ku anata, aku atila va ntadisi a lukutakanu. Nkuluntu a nganga za Nzambi waka ayuvula. ²⁸ Wavova "Tuatona kunu sima mu lembua longila diaka mu nkumbu yoyo, kadi yeno numeni zadisa Yelusalemi diadio ye malongi meno momo, ye nzolele kutu yekudila menga ma muntu wowo. ²⁹ Kansi Petelo ye zintumua aku avutudila: "Yeto tufueti tumamena kua Nzambi kansi ka kua antu ko". ³⁰ Nzambi a mse meto wafulukusa Yisu, ndiona wunua vondisa, mu kunnkoma vana nti. ³¹ Nzambi wanzangula va koko kuandi kua lubakala mukala mtinu ye mvuluzi, mu vana nsobolo a nkadulu a Isaeli, ye mpe ngiambudulu a masumu mani. ³² Yeto tuena zimbangi za mambu momo, mpila mosi ye Mpve yanlongo yina Nzambi ka vana kua wowo ankutumamananag. ³³ Mu ntangu yelo ya lukutukunu awa mo, afwema mu ngolo ye azola vondisa zintumuaa. ³⁴ Kansi mfalisi umosi wayikua nkumbu a Ngamalieli, yani i dokuta a misiku ye watona vununua kua nkangu wawonsono, watelama ye walomba vo zintumua za vayikusua mu fintangu ntangu. ³⁵ Ye mbiki waku azayisa: "Nu mayakala ma Isaeli, nutoma keba mu manuzolele vanga kua antu wowo. ³⁶ Kadi kantangu yayingi beni ko, Tewuda watelama ye wazola kionga vo yani i muntu wazayakana, ye ndinga ya antu, fisidi nga nkama ya mayakala, yankulanda. Wavondua, ye awonsono akuntumamana a mwangisua ye azimbala. ³⁷ Ku nima muntu wowo, Yuda muisi Ngalili, watelama, mu ntangu yatangua antu ye yani wanatumuna ndambu ya antu. ³⁸ Ye wawu, ngiena wo kuna kamba, nutatuka ye antu wowo ye muku adingidika, kadi vo nzengolo yoyo evo salu kiokio kitukidi kua antu, kakina nunga ko. ³⁹ Kansi tu vo kitukidi kua Nzambi, kanulendi kio nunga ko si nuiza diatona zaya kweno vo nueti nuanisa Nzambi." I wowo yau atambudila. ⁴⁰ Mboki abokidisa zintumwa, aku azubisa, ye aku asima mu lembua vovilanga diaka mu nkumbu a Yisu, ye aku ayambula enda. ⁴¹ Avayika mu lukutukunu atona yangalala kadi amonekene afwana mu kuamusua mu nkumbu ya Yisu. ⁴² Mboki diaka, konso kalumbu, muna tempelo ye muna nzo ka nzo, atatamana mu longila ye samuna nzamu wambote wa Ysu klisto.