¹ Kunima, Petelo ye Yowane ayenda ku kinlongo mu wola wa lusambulu, wola wa vua. ² Vakala muntu mosi mpila yina, wakala kaka tuka muna ngutuka ani, wanetongo lumbu yayonsono ye wa sisilungu vana mwelo wankilongo wabokodolongo vo: Wantoko, ³ vaka mona Petelo ye Yoane eti kuenda muna kinlongo, waku alomba nkayilu a nkanda. ⁴ Petelo, wantungunina, ye Yoane, ye wavova: "Wututala." ⁵ Muntu wa koka waka atala, kadi wavingila mu vewa lekua kua yau.Kansi Petelo wavova, "Kina kani wolo evo mbongo ko, ⁶ kansi kiena yami, ngieti kio ku vana. Mu nkumbu a Yisu-Klisto muisi Nazaleti wuna diata!" ⁷ Petelo wambaka mu koko kua lubakala, wanzongula, ye vana vawu malu mani masungama ye makungunu mani mayikama. ⁸ Muna nkumbu mosi, muntu wakoka watelama ye watona mu diata; ye wakala vakimosi ye Petelo ye Yoane muna kinlongo, wadiata, wa dumuzuka ye wa sanisina Nzambi. ⁹ Nkangu wawonsono wamona va kakala diatanga ye zitisa Nzambi. ¹⁰ Ankusa vo yi yani muntu wowo wakwzi vuandanga mu tambula nkayilu mia nkenda vana mwelo wayikua wa ntoko; ye atona yitukua ye tona yangalala mu diambu dia mambu momo ma nkuluakidi. ¹¹ Wakina vo watatamana mu kala ye Petelo ye Yoane, antu awonsoono alundumuka vamosi koko ku akala vana nsampa wabokodulua wa Salomo, atona yitukua. ¹² Petelo va kaku amona, wayuvula kua nkangu, "Yeno lu esi Isaeli, bila nki nueti yitukua? Bila nki nueti kutu tungunina, nkievo yeto mosi tudiatisi muntu wawu mu lulendo lua yeto beni, eo kinkuikizi kieto e? ¹³ Nzambi ya Abalahami, ye ya Isaki ye ya Yakobi, Nambi ya mase meto, kembese sielo kiani Yisu. Ndiona wu nuayekulua ye wu nuakadila nkanu va ntadisi a Pilatu, va kazola kunyambula. ¹⁴ Yeno nua kadila nkalu wanlongo ye wa lunungu, ye nualomba akunu yambudila nvondi. ¹⁵ Yeno nua vondisa Mfumu a moyo, ndiona Nzambi kafidisa mu bafua, ye yeto tua kadila dio zimbangi. ¹⁶ Ye wawu, mu minu muna nkumbu animuntu wowo wunu nueti mona ye nuzeyi nkumbu yoyo yi mveni ngolo. Minu kiatulua mu Yisu, kinveni luve mu tambula va ntadisi eno mavimpi malunga. ¹⁷ Wawu, zimpangi, nzeyi vo nua vangila dio mu kondua kua zaya, va mosi ye akuluntu eno. ¹⁸ Kansi diambu Nzambi wabikula mu nua mia mimbikidi miani, vo Klisto diaui nga kafueti mona mpasi, ye wawu maka meni lungisa. ¹⁹ Nuvilula madiela meno, wawu, ye nubangumuka kua yani mpasi vo masumu meno mena vunzua, kidi vo vena kuiza ntangu za vuvama mu nkalasani ye Mfumu yiza. ²⁰ Ye ka kunufidisa Klisto wasobwa mu diambu dia yeno i Yisu. ²¹ Yani ndiona fueti tambulua kua mazulu nate ye mu ntangu yina kitulwa mamonsono ma mona, i wuna Nzambi kasamunina tuka ntama mu nua mia mimbikudi miani mianlongo. ²² Mu diodio Mose wavova: "Mfumu Nzambi wuna fila mbikudi wonso mono va kati kwa yeno zimpangi yeno. Luna wila mamonsono mekena kunu zayisa. ²³ Si dialuaka vo wonso wonso muntu wuna lembua wila mbikudi wuna bungua va kati kua nkangu. ²⁴ Inga, ye mimbikudi miamionsono mia landakana mu vova tuka mu mbikudi Samueli azayisa yau mpe lumbu yayi. ²⁵ Yeno nu ana amimbikudi, ye a luwawanu lolo Nzambi kavanga ye akulu eti, konso wukazayisa kua Abalahami vo: "Makanda mamonsono ma va ntoto mena sakumuua mu nkun'aku" ²⁶ Ku nima ana Nzambi kafidisa sadi kiani, wakunu fidisa yani va ntete, kidi vo kasakumuna awonsono ena bangumuka mu sisa masumu mau."