¹ Polo bokandomu boya Yesu kilisito, la nduku Timote, la filemo, basamomu biso ta linginda liso li likuwa. ² Ambe wolo otali Afia, la Archipe, la linginda liso libitumba,la lingoma limbe ta mbele ao. ³ Kee la ngbengbele la aï ene ekafayomo ta fangi eya Mungu ise iso langene Yesu kilisito! ⁴ Lofa kelekele ambe Mungu ange, kila lisio, oenyekekela aïteni ebasomboli biso, ⁵ Lofoka mboli ilosamo mbo la lilendelu lie ombe lalio ke Afa Yesu, labaengani batotina. ⁶ Losombola mbo linginda liso lililendelu mbo lienenake ta liwawi liao bitotina bilo bino bie bimbe bi ya Masiya okela oluwa ambesu biongo bitotina bie bitanu. ⁷ Ofoka la lofosha ndjo yamo, liomali lifi ofana bofoka tandole elosamo mbo tandole amo nduku abotema bo bebaengani bo mbaka ai. ⁸ Oka mbo ani ekaombei labofoka ambe kilisito lobeka mbo lioi lie liengani. ⁹ Litina lilosamo, ke, oka litina lilosamo lombembelisoe kee ani embeli Polo ngalu bokandomu boya Yesu kilisito aloko. ¹⁰ losiombembe lisoe loka lo wanange onoko eï lobotiye aïteni ilinginda liange Onesimo. ¹¹ Ono angalaka koala oto ango litina ombe lakanikani aomba la litina likanikani amboe, lange aloko; ¹² Ono lotomakae amboe, la otukumelae loka ambe botema wange; ¹³ La eï lokalangaka angale lange eseke lomoi ambe atokuwelei ta eseke lao, aïteni ilinginda libaoi batanu, ¹⁴ La loikalangaka okele lobeko lobeko lo litina kondoena boimo wao, loka lobolo wao boi tindjomoko, kanga ko loka lolisangi liao angene. ¹⁵ Loka oluwa litina lie oseanisomo lao kombile itotoko, mbo ongale linde laya laya. ¹⁶ Inga ale kebokowa, kanga olongela bokowa, ke etungani ono akaosamomo lange likama ndjo amboe ase, lobeko lobaito bawenda laloka loyangene iso. ¹⁷ Oka lotangei mbo lisao liao, owekokuwamelae ke ei ngene. ¹⁸ Imba mbo akelokoe lobeko lobe la ambaka la bolima wao takawo ta loto lange, ¹⁹ Ei Polo lofoandika la boö wange mbo -ei lotokamba, lotobeka lao mbo ombe aloko labolima bokafoeta ambe iboko liwawi liangene! ²⁰ Ongoma etungani looshe koi bondanda amboe ta likuwa liangene iso, fofisaka botema wange loka loya Kilisito. ²¹ Losiimila, lolitiso amboeë loka loandikeloe lolui mbo: otokela likama kolukoye lokabekaka. ²² Mbo: eseke lamo landjaso ye komanyelekei eseke longala loka lo totumania mbo basomboli bino oto osheni ambenu. Epafala ono ambaka bokandomu lange eseke lomoi aïteni iya Yesu Kilisito afoe kalibo, ²⁴ Afoe kalibo la Malako, la Alisitaluka, la Luka bokeli lkuwa, eseke lomoi lange. ²⁵ Ngbengbele eya Afa iso Yesu kilisito engaleke eseke lomoi ta betema bino.