¹ Sandene Sabato asinei,Maliamu Magdalena na Maliamu amate na Yakobo ,ebo na Salome aba basumba kambala anja anga ba pike ba lalie na mafuta kangu pwake la Yeso kagbua mumbolake. ² Mumo tu kpe esea kadi aka melua ,aba bakana puta sande mania atuu mumotu. ³ N'kobe beka luhuono mayabo ,''Adengisa noeta etale nja bingie suba puta?'' ⁴ Sande benine ,aba ba mona m'kpa ngwahalie tale ,abi lenga likpe kpe. ⁵ Aba ba ngia ma puta.Aba ba mona tabana ma loli ngombe nd'apu ,gwalikisa bale saka umande baliki ngamo ,abae bangisa . ⁶ Aba engobea, ''kanga bochia.Benuakakaba Yeso ma Nazaleti munde ba moi.Asusuki!N'da wani .Wenda kumande abingo ba mbisi bei. ⁷ Ka ani ,botote Babea nde na Petelo ake tokea bomosa na Gallilaya .N'kube bomonano ,yende aliki totalikanu.'' ⁸ Aba ba toka na mbango tua ama puuta; baweli kani na sangala.Aba ba luhuwa kabato ti ngbogbu kaba ntoti kama ba welikani kpe. ⁹ Mumoti kpe esila songe, mbusa ma susuko, munde atekelisi tuokeake abi Maliamu Magdalena, sanda akidioki kine kinia n'keti sobea lalo. ¹⁰ Aba tuka na luhuwa kabo bunde abakai nabo, sande mbuko mambo ambine ebeli na tusoli libeso. ¹¹ Sande kisa bende enakanito aba enekana naye, m'pa kaba mbepi. ¹² Mbusa indo aba hobelisa kulaha asololo bato ba bale, na inde ibo ba tambane amena anji. ¹³ Aba ba totaka ka Babea bunde abingo basaki, m'pa aba nde aba kabambepe. ¹⁴ Yeso aba etuso bonto bamoko na kadi sande ba bine kuma bulekika meza, aba ahamea kabula aminio lake na mota mbukoa, kaba mbepe eboto nte bamoni inde bamoniti tuka kume kua. ¹⁵ Aba tota kabo, ''Kani kabulambo mbumbo, kpu, na tota mbino Akodola ekabolambo ngboku, ¹⁶ Munde ankunte na batiswa lake alamano, na munde kam'besiei agbeke kanano. ¹⁷ Na bondondo apatano nde bunde bambepii. Ka inamo batukesano ba n'keti .Ba luhuwano kelehe ato. ¹⁸ Bambedano njeka abo, na sina kaba mueki kima ngboku kima gbobula soma.Ba pisono njeka kula batoasikida, neebo babano kilikili. ¹⁹ Mbusa ma Apwai luhuwa kabo,aba elengaka na kupa na mbino nde ekuma buleki kanjika ama kukpa la Akodola. ²⁰ Babea aba batokanaka kanatota mbino kuma gboku, sande Apwai aleki fanya ekumo nabo nachedi solokili ao kalokana na isala ngweka tombana nabo.