¹ Mbusa hasia ese la Sabato, mane abingo kpandi, kakida ese imoti la yenga, Maliamu Magadaleni, na Maliamu metino bapiki ena puta. ² Uenda abi na balingina angbo, kangbue Malaika Apwai asimi aba adengiso etale, mbuso mande alikidi. ³ Eso ke abia bapiepietu, na ngombe yake abia kpu abia apuia Theluzi. ⁴ Bundo batoabunja aba baneboko ya bato e kua. ⁵ Mundo Malaika aba agbolaka bakali bundo abaluhu,''kanga bochia kangbue mepi sabende benu kagbacha Yeso, munde ba mue. ⁶ N'da wane, m'pa asusuki ende atotine kano. Pekoni buende kuma nde Apwai abingualangaki. ⁷ Kani bia bototeka Babea bake, 'Asusuki tuka e kua, Boendani atketokia musana na Gallilaya. Kube ndulumo bomonano.' Boendani ime meka tota likanu. ⁸ Bakali bundo aba tuka wabe kuma puuta bia ngobe n'eboko eseese angbo,aba ba checha katoka ka Babea bake. ⁹ Uenda mande Yeso atondani nabo,na luhu ''Musomua.'' Aba bakali bundo ba piki na peda kipisake, na mbuso aba babeta moku musa make. ¹⁰ Mbusa Yeso mande atoti kabo,''kanga bocheani,'' Ngaani motote kaba namami bake musa na Gallilaya. Kube ndulu babe monano. ¹¹ Sa nde bakali bundo ngobekaka,uenda batoabunja aba bakana na nji na tota ka Bamangese la Bakuhani kima ngbogbu abingua enekani. ¹² Nebo Bamakuhani abingo batuandani na Bamangese aba baluhuno mayabo, aba ba kapa gbotuo luha kiaba Bapamange. ¹³ Na totali boka, ''Totanika betino sa bende, 'Babea ba Yeso kendene besu bibi na tolo. ¹⁴ Kabongo elehe nde ango angidiliono Mangese, bisu biluhuno ka kembela na tukiso kaboloki ngbogbu.'' ¹⁵ Aba bagbamange bundo bakumbo luha n'do aba ba kumbo luhundo na kaluho n'dene ba toti kabo. Mbino indo aba aka kpe manua Bayahudi na aba bendo paka n'dene. ¹⁶ M'pa Bamitume moko na kadi aba bako na Gallilaya, kama mba n'do abingo atoti kabo. ¹⁷ Nebo n'de bamonine, aba ba mbipa. M'pa ba kpa ba bete beni sinana. ¹⁸ Yeso aba apiko na njiobo abaluhu, ''M'pa tito ba mangesela adodo na kupa. ¹⁹ Ka bendo kaani buekole Mataifa ngbogbu babe Babea. Bebatise ba kpa ka ino Epa,na la Meki, na la Mboku mema ndapu. ²⁰ Uehangise bapeede elehe ngbogbu inde ndoti, na uenda, imekuma kadi na benu ese ngbogbu, ata sungo la kikialo.