¹ Suande Yeso abiaboteanine subanzi la Bethelehem indana Yudea sua mwame Herde, batonde baupiha, baibatoi mashariki indakulaha babibakidi na Yerusalema babaluhua. ² "Andewani ndeaboteani mangese ndema bayuda? Bemoni balelengwa ndebae mashariki nabesu bepii piamonda lae." ³ Saande mangese Herode aokine elehendo ababela, nabatondebae na Yerusalema babababela. ⁴ Herode abeetondanisa bamangese ndebae pulanabo, nabatwadinda ka mapapasea, naye abaeemulisa, "Kristo aboteanano wani?" ⁵ Bababangodea, "suba Bethelehem mu inda ba Yuda, naboyeeu babi baluhuu ye nabii, ⁶ n'pa owe Bethelehem n'nyanchindedee, kyee angalaba sende bana Yuda anga nangwao atowano mwamendeee tawala, na kachunga batondebamo Israeli." ⁷ Mbusali Herode abieekoki bandindii, esomi, abaemulisa, abiwakatisina lelengwa. ⁸ Abeetea na Bethelehem, bokeni bokabe niindokyee n'ndeaboteani. N'panae bomoni, babopianambinolea, ango n'nge memande, n'panea." ⁹ Nabo indebaokine elehe lamangese, babapeda ahe, na lelengwande baikilwa belealae, abaka mosalabo, abakakida omande nii aboteanibeli. ¹⁰ Saandebao nine lelengwa, bababana nchelokyee. ¹¹ Bababangia subendu, bababamonanii nde abatwani na amae Maria. Babakua adodo na abuduae. babakuda kumbandabo babakapae emande bapiine. Naemanda nchancha ya uko. ¹² Akodola abehana subeloti kanga bosiana nongwa Herode, babaka indabo nahendato. ¹³ Saande batoine, kalabo naahebidato Malaika nde ma Akodola abakidilya Yosefu subeloti abaluhua, ma ongbanii na amae batee na Misri. Okeoikeubeli, mupaka suande mongodeane bende otowe ubeli. Amande Herode oakama moanii. ¹⁴ Kihando Yosefu abachuchua na gbalae nii na amae, babatea na Misri. ¹⁵ Abaikaubeli mpaka suande Herode akune indo abialuhuu abeboo. Abakakanae toana Misri. ¹⁶ Wakatinde Herode aonine nabato bamboni ababelakyee. Abaeteabato kamoabanii banyiboo bandebabina Betelehemu nanchi inda apitiae, baniinde babina mwaka ibale na mamupiema yehuna bangodeiboo. ¹⁷ Naelehende abaitii awa baupiema Yeremia, ¹⁸ leso abahobana Roma, ngamo na maombolezo angbo, Rakeli naakamea banae. N'ndabiakondi bakobise amande banii, babibaku pulanobo. ¹⁹ Herode saande akune, Malaika n'nde bamangese abakidilia Yosefo, suba elote na Misiri. ²⁰ Abaluhua toa okumbe nao namae pedatamba okenanzi dana Isiraeli, amandebato ndebibakaba moa banii baebuka. ²¹ Yosefu abachuchua, abakumba nae na amae, babapia na Isiraeli. ²² N'pa saande aokine bende Arikelua naa tawala Bayuda, amande apae Herode abi atawala beli, abakua boo, ka ubeli na Akodola abiangodei suba eloti, aba kaindae na ahendato, kakida n'paka na Galilaya. ²³ Saande apiime abaika anchi imoti inalinde Nazareti, akolaneboo elehende, amande abi baluhuu bate abano mahaboo, awa n'toleloti, inali m' Nazareti.