¹ Abi mbusa ma Yeso akobine luhuo ka batelia bake moko nebale attuka abe abako otota kabo mbino suba nzobo. ² Na Yoana n'de abine suba kpekikona,n'de ekine ngokula tambilia na Yeso. ³ Abamuliso uendi munde apiko metino munde bemundano? ⁴ Yeso abaluhuo kabo kani boluhue ka Yoana n'de bueni mendo bueki. ⁵ Bantitine aba benoha batue aba batemba. Batue dotea balamo bakeke keiala beki ba kpa bunde baku basusuki ba kpa bunde beno sakio bengude mbinonza. ⁶ Munde ame kadi e nane enano ngebe mude ke kulami kuma sede n'dene ba kpa batukine Yeso abaluhuo kabo noliso mbiniso Yoana kama sino nde bokendali suba ihua . ⁷ Bolugina badengisi na suso. ⁸ Umba bake munda kpa munde aloli ngombe ama n'sa? ⁹ Bataki enda kima sino? Nabii mekaluhuo kanu elehe la Nabii. ¹⁰ Mundondula Badindii uenda neti kpa mano kpa namo musa mako endulu akpatano aheako musa mako. ¹¹ Ime kaluhuo kanu lingo kangala bunde babokocha na balili ndake na medee ndi mukala ya Yoana Mubatisayi umba indi medio kulakuame ma kupa n'di lenga kalua lake. ¹² Tuka eese Yoana Mubatisayi unda maha mbinonde buame ma kupa endi mota na bato epaha bao pedanona epaka. ¹³ Uende Banabii piko na selia kapaele la Akodola; ¹⁴ Umba ngedo munde apikino,inae n'di Elia kapiko. ¹⁵ Ngobe na ki toi amba ueka . ¹⁶ Embakotiinde abebo? Bamaya bamiki beya nzoko kuma esumbi baliki ngoba uekana. Tutu inda nzou kuko inda kami. ¹⁸ Abi sende Yoana akidi,kaliani kamu ibo,kaba luhu sa bende n'de keti bana Adamu bapii na baliana na nua, ¹⁹ Na ba bluhua,andani ndoa tematio,na dia anu makana rafiki manzake na tua tosa lusa batua buchede hekima abahali matendo lae. ²⁰ Yeso aba anja hamia nji a made ekumu ndae abe anga batu . ²¹ N'de imande ako kolazini n'de imande ako Betesaidi anga inbbu babingo bakoliane, ane imbe abingo, batubukala, kalula ngunia be bingbo ne puu. ²² Imba abi vumiya la tuo na sidoni,esela kale angao. ²³ Ue Kapelenaumu, wepi sabende oda,hanona kpa? Ngbe baokitisono na kusia na Kujimuni ende sodomo, inde akoline matendo ngbo, ya edene, akoline, ingoao, imbi abine inde nde. ²⁴ Ngbue kaluho, kaba abano wengu muno suba nji Sodomo na no esele etale uwe. ²⁵ Na ndabi n'do Yeso aluhu,mo pipe uwe ba bamiki, na kupa na nji kabuende osomionga ndo osimi yonga ndo la hekima naepo, na ukuo, buenge, a bamiki be didioko. ²⁶ Epa abongi kaiko bende abongeli boo esiko. ²⁷ Kima bukpu eka njika sami katuka na njiopa inda na tundo mupii na nde Epa kangakpa muame miki bungokpu abengo miki inasekio luholi kake. ²⁸ Pikoni koni bono ba kpa naosumbuka ne dotu na kumba ao njedo name babaumbia. ²⁹ Pisani muhakio lanu, kulaami, ime nde tua bondo mawede mbaa mema bupatano ubia mbua mema nafsi ndao. ³⁰ Ende lami inde bonga kumba nano n'de uwengumono.