¹ Na nuno Gayo, nde mekondi anga domi lae. ² Manzami, Eme aka memelia, laa ngopo, abe mota kaali yande meema ane. ³ Angaa mande emene chelo inde meokine naba mongodea anga domi lao, anga okola domi. ⁴ Emena echelo angbo aoka bende oowe nami oatamba kilikili. ⁵ Manzami, ekumo nde oako lalindo aacha oakakoli, abato bao na bakendo, ⁶ Angabahangii na ekondo lao, akanisa oakola anzaa laka, labo atamba labo. Anga baatamba mosa la Akodola, ⁷ Anga inae ababa kamanganba Ema puuli awa bato na Maifa. ⁸ Abena besu nde kalibisa bato nde bebe boto aka domi. ⁹ Abi dii atondana labo bende elehe nde Diotelefe, inde akondi ba inde maakwa nzaa meemae indabi beo kwenani naye. ¹⁰ Abe na mbii In bahaka bonza lae aba kola, yande aluhu elehea cheede atatasu. Elehe anzede angaa indo toina elehe ndo nande aekalibisi bato bae, aba ekomisa batoo. Bande kondi kaa kalibisa bato bae, kaa batoe ama tondana. ¹¹ Mpenzi kanga oekenge akabande bakali anzede okeno, eeke emaanza inde akoli anzaa nde Muna Akodola; na inde akoli akoli anzaa nda Muna Akodola. ¹² Demetilio n'paioni tambelea lao anza na awabo na domi inde besu beupi. Bonzalae ana domi. ¹³ Na Eme na muhakio angbo dindia, M'pa inda kondi dindia akalamu ao awino. ¹⁴ M'pa eme akaba kaona boo pii ndeani na kaa ambola namee iso na iso. ¹⁵ Amina abe apu moti na owe. Na bamanzami bakapi ao musomwa. Musomwa bamanzami anga nto na Inae.