¹ Simoni Petelo, kobe na mutume la Yeso Klisto, kabunde ba pokei boenge inde ekolo yendene besu, boenge nde esuba lingonoa Akodola na tua louniso lasu Yeso Klisto. ² Ngebe abe kulano; bokolo atodikane kalua makala Akodola na mangese masu Yeso. ³ Kolua ba mangese Akodola be patito liki sua ngboku kangua chia Akodola suba buleki, tuka bia Akodola munde esuweki kangua bunja la utukufu lake. ⁴ Ka hende ndulu esulakusi loki angbo ekolo, akoli bende angua bende bibe batua tiko na boki Akodola, yendene bikelieito na dua eloloi la leengo. ⁵ Anga nde bekole ngufu katodiso bunja kahela boenge lanu, Anga bunja ngbe. ⁶ Kalua upo kiasi, na kalua bonda, na kalua upo esa, na esa nda nja. ⁷ Kalua bondo anja ekondo la tobako Na kalwa ekondo ekondo. ⁸ Anga elehe indo sobanu, kaoni ema nda pii, Anga inde kobobena ba ngumba au bato bunde kaba bokotinu matunda soba bondo la mangese masu Yeso Klisto. ⁹ Anga nto puli munde inda koenimbe loki apiyo maha, eye kanga mbokeso, abosanito sukusa eloloi yake ekolo. ¹⁰ Kabendo, tobami, koloni mohuo kaba yendede bamisondano na mawekani kanguanu kabongo bokola nando, kobo sakadeno. ¹¹ Anga bokapano ahela ba pkete la ngioso subae buame akese ngboku a mangese masu Yeso Klisto. ¹² Anga indo eme me akaniso kanalo kindo esengboku, sanangobue pu, na mbino nde bometo lobe suba leengo. ¹³ Kanisi sabende mbeno nde mea susukiso lanu na sabende bokanise loki eme la suba endu inde. ¹⁴ Anga neupi bende inda sua si mehodiono endu ami anga Epa Yeso Klisto amomonisi. ¹⁵ Metaya kisono pke kanguanu kangua bokanise loki ndo musama toka lami. ¹⁶ Kangue kebe obilieno ekani ndianzi kanga loki inde bitoti kanu kanga kula ngufu na piki kia mangese masu Yeso Klisto, kange besu bibi bitoti loki pipa lake. ¹⁷ Eye apokei pipa lake na bondo toka kea Akodola Epa abeli sonde ekikani tuka suba pipa angbo ngo aluhu, ''Munde ndulu Miki mamo, munde mekundi nde me kundi eye.'' ¹⁸ Bekiliso indo nge katuka na kupa abe kumande bibi naye abe ka mamba apu. ¹⁹ Besu na loki ndo la unabii inde ba toti, kangbu tua kola tuekuno manja kakalali eye mole inde ekalola suba tudaha paka hasiani na balelengwe bana kupa bene kanano kambuka manu. ²⁰ Bou pilieni ndo sabende, inda na unabii bakeki kange kekanisisoka ka nabii meiye. ²¹ Kange inda na unabii nde opiki kanga ekundo lapka maka dodo, kiekabi lapka maka dodo batokokani kanga mbuko mapu munde aluhuka tuka nanjo Akodola.