¹ Toa awa nuno ka nangwe n'ke mteule naba anae, anga bande ae kondi suba domi na anda eme maha, anga nabo pulanabo bande bamo mupi domi, ² Anga domi inde asuba su na inde aikano apu moti na besu Esa. ³ Neema, ekala, bokolo abano na besu toa nangwa Akodola Epa na toa nangwa Yeso Klisto, Muna Epa, suba domi na Ekondo. ⁴ Eme na echelo anga neupili ama banii batamba suba domi, sinda belebei ne nde toa nangwa Epa. ⁵ Na mbeno nde nomemi owe, n'ke, n'da kwe anga dindilia lao elehe nda Ito, Maha inde bebine a kengeta, Anga betoa kondana besu na besu. Na indo yeu nde ekondo; Inde betoa na beku, beleana na elehe nda. ⁶ Inde yeu nde elehe, sinda inde bookine toa kengeta anga n'toa nange suba indo. ⁷ Anga bato n'dema bato ngbo bapanjani suba leengo, na nda baluhuu kea bende Yeso Klisto abi apii suba ngopo. N'de yeu n'to ambea na ngana Klisto. ⁸ Boondani mayanu anga n'da bungisi elehe ndo inde bekobito kolelali Ekuma m'pa anga botoe kpali inde besu ne. ⁹ Nande n'de nda osi suba elehea Klisto, n'da na Akodola. Na nde a osi suba elehea na Epa na Nii. ¹⁰ Abe natona pii awanu na anda kapi elehe nde, kanga bopikila suba endu a nu na kanga bo n'somoa. ¹¹ Nande a n'somoa kesi ba lebeani naya atambela lae inda chede. ¹² Eme nelehe ndangbo inde menungudea, na n'da bikondi dindiali amapapasia na ebimbele. M'pa Naememe esobelika na angwanu na luhua iso na iso, anga echelo lasu abe ema inda nja. ¹³ Baana ba alwanu Bato banja banu somoi.