² Anga benu mayanu boupikpee, bende a domi sua mangese abiiya kuku ba akida kiha. ³ Anga inde baluhua ana, ''ekondi na buwenge,'' na aindo bocheede asukidilia na nda beupa; ande ya emande manaleme, nda tea naheli puli. ⁴ M'pa benu banduku m'pa benu, kanga boba atodaha; anga suando anukidilie ya kukuba. ⁵ Anga benu mbula manu nde banii ndeba emole nabanii nde baa mane besu ndakwe banii nde baa todaha. ⁶ Abe maboo, kanga bela ya bande bato bana too, m'pa bememeni sungia. ⁷ Anga bande balee balekiha na banu muenge kiha. ⁸ Amande besu nde banii nde basiaha; babe na sungio. Belale ngobe lalebea, na ekondi, na sapoola uko, amande ande lamisi la sikua pia lae. ⁹ Ama Akodola nda biasu kpe mosa anga beli, abiango belame ahela Yeso Klisto. ¹⁰ Yeyeu abiasu kulii anga, bebina iso ao besu na too, beikano apu moti naye. ¹¹ Na boo bohulu mianeni nabo kondane benu mayano; namna nde bokolakabine. ¹² Nduku, benu memii boo mupilie bande baatumika suba memanu na bande baa tatanu subangese na bande banu hana. ¹³ Benu memii boo mupilie na kapaobo keshime suba ekondi anga ekumu ndabo; bubena ekolo suba memanu benu mayanu. ¹⁴ Benungodei, n'tubami, boohane bande basiani mbusa, boo saidie bande ba kangeselo, babena mema ao tiada. ¹⁵ Boondeni kanga n'tonde asisilii tae mema acheede awa bato pulanabo. M'pa boko leindanza angala bato pulanabo. ¹⁶ Bobe nenzelo kiapuli. ¹⁷ Bomemeni kange eloho. ¹⁸ Bombepise Akodola aema puli, anga indo yeu nde ekondi nda Akodola awanu suba Yeso Klisto. ¹⁹ Kanga bolima Mbuamemae. ²⁰ Kanga boona bosa elehe la kukumu. ²¹ Bopime ema puuli, bopede indanja. ²² Botee n'tonde mana tambelua asede. ²³ Akodola ndema nekondi anu motiseke suba mema apuu. Namema, nafsi, na ngopo abonge, kanga solea sua pialae mangese nde masu Yeso Klisto. ²⁴ Nde abianu koki ande ntoo manza, noyeye unde n'toakoba. ²⁵ N'tobami, bosu lombeleha. ²⁶ Musomwa la n'tobao pulanabo anga iso ndanza. ²⁷ menungodei awa mangese bende mapapaswande oongodee bato pulanabo. ²⁸ Ngebela mangese nde masu Yeso Klisto abe apu moti na benu.