¹ Kambuso, banamami, bibongisi tombuku manu na beta muaku musa ma Yeso Klisto. Yendene bopokieine loki nde batoti kanu toka kiasu yendene boto kano ka na bongilia Akodola, kahendo maha kani na kola pkete. ² Kangue buepito loki nde batotikanu lokisino tuka mangeso Yeso. ³ Kangue ndo ndulu mapenzi la Akodola: ebongiso lanu kangue bochie etepe, ⁴ Kangue kila kadionu epito namuna hali make mayake suba kimalanja na bondo. ⁵ Kanga oba na kali kangua sekio ngopo (Ya batua bolambo bunde kaba muepi Akodola). ⁶ Kanga aba abe mupka ngboku munde akibiano milo na koseana make kangua kima inde kangue mangese ndulu tua leha kisio kalaki ngboku indo, yendene bitelisine hana lanu na likibia. ⁷ Kangbue Mangese kesu weki kangua soloka, bibe banja. ⁸ Kanguende munde atunano nde kebe tuni bapka, abe botoni Akodola, munde enupesi mbukoma apu ake. ⁹ Kangue ekundo le nama, inda na apka mute akekano kako ama papasia, kangue ohangisue ina Akodola ka kundana benu mayanu. ¹⁰ Kangue, bokoli ndo ngbokuli ka bana masu bunde bena ma Kenonia ngboku, lakini bikundi, bana masu bokole pkete. ¹¹ Bekundi bokunde bobe na maicha la kobiana, bilia ekumo lami, na fanye ekumo hanji kanu, yendene benu memieine. ¹² Kola bendo kangua bende oke kilikili na kabondo kabunde bena senge la ba boenge, kanga obula sekio kima ngboku. ¹³ Inde nda beyi mbino nde, bene bana masu kangua bunde bena tolo kangua kanga bopiko belo yabetino ya bunde betina ba kanga kumaemelia abi liana na wakati aka piko. ¹⁴ Kabongo be besiei sabende Yeso na aba atoda susuko, sabende bende Akodola ekapano kuma kadi na Yeso bunde ba langi ngobaku kanguake. ¹⁵ Kangbuendo esuka totalikano alokila mangese, besu bunde besu baneso, bibano munde wabe esela piko lake mangese, kangbue kibi beno musa ma bunde baku. ¹⁶ Kangbue mangese mayake asumono toka na kupa. Apikono na liso angbo, kumakadi na lisua malaika mangbo, kuma kadi na tutu la Akodola, na bunde baku ngobe na Klisto ba susukono musa. ¹⁷ Mbuso besu nesu, bunde bitikii, bilondano na kupa kuma kadi nabo tundana na mangese neko. Kahee nde bibano na mangese esengboku. ¹⁸ Kabendo, bueko bise benu mayani lalioni libeso kesio kaloki indo.