¹ Anga inde, inda betowa tiada a meema, behakeli bende, atoiba kilikili na be saki na Atheni besu nganga. ² Betei Timitayo, to basu na kobe nde ma Akodola suba elehe ndanja la Klisto, anga mesia lanu, na falijiana na beno la Boenge lanu. ³ Bekoli boo anga aba na weliana atualao suba Nyombo nde, anga benu mayanu boupi, Anga ebo nganga, boupisa bende bekobito sonda anga inde. ⁴ Ande domi, sua nde bebi na apu moti na benu, bae bakengatisi ngodea lanu bebi apipiya nyombo, Na indo puuli abia hobeli na bo upa. ⁵ Anga indo, inda toisa tiadisa meema,metei too, netei anga neupe kola Boenge lanu. Inde nda anutima, anu timano, na ekumo laso imba ba la bosaa. ⁶ Anga Timoyayo apii na ngwasu na toi na ngwanu na aba sopa elehe nda nja atata Boenge na ekondo lanu. Abe songondea onde bende kola tambelia ndanja, kolasu, naba nda mona lasu, na besu mona lanu. ⁷ Anga indo, tubami, bifilijiko ngbe na benu anga boenge lanu, soba nyombo lasu puli. ⁸ Ambeno nde, beso aosa yandene na bomee imala soba Epa. ⁹ Anga ende eselo jipi Akodola atata nu, na echelo nde bobine mosa Akodola na ngwanu? ¹⁰ Besu amemea ngbe kiiha naha mane anga betoe Emona Iswa nu na todisa anu asakelia Boenge anu. ¹¹ Akodola nde mosu na Epaye mayae, na Epa nde masu Yeso aso ahangise ahe nde asu ange bekide awanu. ¹² Na Epa anukole botodisane na lengisa ekundo, bokundane na bokunde batoo pulanabo, Anga namuna nde besu bekoli anu. ¹³ Apate mesa mbua amenanu kanga ba soliana a utakatifu musa la Akodola tata nu, saa la kida kaye Yeso Klisto apu moti na watakatifu baye.