¹ Kangbuende benu mayanu buepi, bamoo, yendene kidolasuki kianu kabi abusaa. ² Bwepito yendene beni minyenji musa na besu koli sinana kube na Philipo, yende buepitone. Bibi na bondo suba Akodola katota injili l'Akodola ata suba enanji lasu kpete. ³ Kangbuende ekikiana lasu katuki suba busede lasu, ao suba esoloi, ao suba mamba. ⁴ Mbusoli, yendene Akodola eso besieine na besia injili, bendo ndulu biluhuto. Biluhuto, enda kangba kapa esilo kabakpa, mpaa endi kangba kapa esilo ka Akodola. Eye nganga ndulu ek'enda bonga mbukoo masu. ⁵ Kangbuende kibiluhu elehe lepipa mayasu yendene buepito, ao luhu elehe suba mamba kangba sekio kima kpete, Akodola endi maka luhulio lasu. ⁶ Unda sabende kibikabi boa kula bakpa ngbokpu ao tuka nanjonu ao nanjo betino. Bitokai kaba kundikana yaba Mitume ba Klisto. ⁷ Mbusoli nadele bibi mbola lasu kangala nuyendene ama bamiki elelakano bamiki bakene. ⁸ Suba aheunde bibi n'ekundo kianu. Bibii pio na beliso lanu, enda maha kangba injilia Akodola, mpahaa nangba buleki la mayanu kangbuende besu benu kundito. ⁹ Kangbuende, mamo bokanisito ekumo na tabika lasu. Kamane na kiho bibi ngo bikola ekumo kangbwa kange ememikia kilakpa saa undoo bihangiei kanu injilia Akodola. ¹⁰ Benundi batua likibia, na Akodola ha, endi kangba Mbukooma apu abo, ningo na kanga tunana yendene bekani kanga lasu musa manu bunde bolikibine. ¹¹ Bendoma, bwepito kangbueke kanga lanu kadikadi yendene apa bamiki abakano kia bamiki bake yendene benohangii na kolomiso mbukoo mana. Bilikibiei. ¹² Abongi baliketamba yendene Akodola anuwekine na njoke, munde enuwekii kuma ebwame na bulengo lake. ¹³ Kangbuende bembi pito Akodola mpaa saa ngbokpu. Kangbuende saa unde buepokeine na njosu bakpali ba Akodola bwekii, bwelikibi kianu, endaya elehe la bakpali baka dodo. Mbusoli bokalibisi yendene elehe la Akodola ne. Endi elehe unde ndulu ekakole ekumo kanga lanu bunde bolikibi. ¹⁴ Kangbuendo, benu bamoo, bobe bakpala kingiaka benduo Akodola sube njo Bayahudi kaino Klisto Yeso. Kangbuende benu habweni nji suba kima undo akadi tukakia bakpa banu, yendene abi tuka nanjo ba Yahudi. ¹⁵ Abindi ba Yahudi ndulu bamwe Epa Yeso na Bakuku munde b' Akodola. Endi ba Yahudi ndulu besobii bae bitue na senge kabakundi Akodola na endi bangungumba babakpa ngbokpu. ¹⁶ Besotonisi elehe na bakpali baka nji lasu kangbuende kanga bamopo Mangese. Unde atu subiendi yendene beha suba eloloi aba, kasungelii ekiso apikito kulabo. ¹⁷ Besu, basuo, abingo biduani na benu suba esenadele, kangopo, kanga kambukooma. Bikoli undo katoki lasu na sube esilo lena esuonu. ¹⁸ Kangbuende bibi apiko na njonu, ime Paulo, suba kendo kadi na kendo etino mpa N'kiti esutonisi. ¹⁹ Kangbuende ekunda kiasu endiabo, ao esilo, ao kuolepipilia musa ma apasu Yeso saa la piko lake? Keke enda benu kpekpekpe yendene betino bene? ²⁰ Kangbuende benu ndi emole lasu na esilo lasu.