1 Nie Paulo, mushwekwa na mukozi wa Yezu Kristu. Ndi hano na mwene wirhu Timoteo. We nyandikire aga maruba, Filemoni, mwira wirhu na murhabazi wirhu w'emikolo. 2 a kandi nyandikire Afia musimwa wirhu,N' emwa Arkipo, okasima entwali rhulwa entambala kuguma. Na nyandikire , olurhamba lucigushire omu mwawe. 3 Ndi na huna Nyamuzinda Larha wirhu na Nawirhu Yezu Kristu omurhula gwage bibe haguma ninyu mweshi. Na ndi na huna nti mugendekere okuba n'omurhula. 4 Nkandi na bahunira, nanka vuga Nyamuzinda omunkwa. 5 Bulya na nkayunva olugenzi lwinyu muli nawirhu Yezu. Kandi nankayunva okumusima n'okurhabala bene wirhu. 6 Nampune ly'olushangi l'obwemere bwawe buciyalagaza omu bumanye bwa ngasi kantu kinja kali omukagarhi kirhu muli Kristu. 7 Bulya nabwine bushagaluke bumji n'oburhulirize kugerera obuzigire bwawe, bulya emirhima y'abemezi yarhululwire kugerera we mwene wirhu. 8 Nalonza okukubwira oku kajira emikolo. Nantya ciru ankaba ogwerhe obushirhu muli Kristu b'okukurhegeka ebi okwanine okujira. 9 Cikone, enyanya z'obuzigire, nkuhunyire nie Paulo mushosi nabuno mushwekwa wa Kristu Yezu. 10 Nkuyinzirage enyanya za mugala wani Onesimo naburhag'omumpamikwa. 11 Bulya burhanzi arhagwerhe kamaro, lero buno akola agwerhre akamaro kuli we na kuli nie. 12 N'okurhumire ye kandi, ye mwira w'omurhima gwani. 13 Nsimire rhubere rhwenaye lyo antabala ahali hawe gano mango ndi omumpamikwa enyanya z'okuyaliza akanwa ka Kristu. 14 Cikone, ntalonzagya njire kantu buzira kumudosa. Ntalonzagya ecijiro cawe cinja cibe ca buseze, ci oku bulonza bwinja. 15 Nkaba co carhumire Onesimo abankakuyaka kasanzi kasungunu lyo muyishiba naye loshi. 16 Arhankaciba muja, cikone mwinja kulusha omuja, mwene winyu muzigirwa, alimuzigirwa cibwenene kuli nie, kanka kulusha we omu mubiri na muli muciza, 17 Nankaba oyemire rhuyinjibane rhwembi, omuyankirire ahali hani. 18 Nankaba okujijire kubi, nankaba hali eci akugwerhi, obage nie ojidosa. 19 Nie Paulo nyandisire ebi n'amaboko gani niene nazekugalulire byo. Ntalonzagya nkubwire oku nawe ondi omu mwenda gw'akanwa kawe. 20 Neci mwene wirhu , onjirir'oko muli muciza, ohe omurhima gwani oburhulurize muli Krstu. 21 Kali omu bulangalire n'omu bukenge bwani nakuyandikire. Manyire oku wajir'ebilushire ebi nkuhunyire, 22 Mwaka kasanzi onteganyiz'eciralo c'ebigolo, bulya ndangalire oku kugerer'amahano ginyu namugalulirwa. 23 Epafro wirhu rhub'omu mpamikwa muli Kristu Yezu akulamusize. 24 Ciru na Marko, Aristarko, Dema na Luka birhu rhukola kuguma nabo bakulamusize. 25 Enshokano y'omuciza Yezu Kristo ebe haguma n'omurhima gwinyu, Bibentyo.